ଭୁବନେଶ୍ବର : ରାଜ୍ୟର ୭ଟି ସରକାରୀ ଓ ଗୋଟିଏ ଘରୋଇ ମେଡିକାଲ କଲେଜରେ ଖାଲିଥିବା ଏମ୍ବିବିଏସ୍ ଓ ବିଡିଏସ୍ ସିଟ୍ ସହ ସର୍ବଭାରତୀୟ କୋଟାରୁ ଫେରିଥିବା ସିଟ୍କୁ ମିଶାଇ ପ୍ରକାଶ ପାଇବାକୁ ଥିବା ତାଲିକା ଆଜି ବି ବାହାରିପାରିନି। ସର୍ବଭାରତୀୟ କୋଟାରେ ଖାଲିଥିବା ସିଟ୍ ଫେରି ନଥିବାରୁ ଏଭଳି ସମସ୍ୟା ଉପୁଜିଛି। ଯେଉଁଥିପାଇଁ ଦ୍ବିତୀୟ ପର୍ଯ୍ୟାୟ ସିଟ୍ ଆଲଟମେଣ୍ଟ ନେଇ ଏବେ ବି ଅନିଶ୍ଚିତିତା ଲାଗିରହିଛି। କେବେ ସୁଦ୍ଧା ସମ୍ପୂର୍ଣ୍ଣ ସିଟ୍ ଫେରିବ ଓ ଆଲଟମେଣ୍ଟ ହେବ ସେ ନେଇ ଓଜେଇଇ କର୍ତୃପକ୍ଷ ସ୍ପଷ୍ଟ କରିପାରି ନାହାନ୍ତି।
ଓଜେଇଇ ଅଧ୍ୟକ୍ଷ ସୁଦୀପ୍ କୁମାର ଚାନ୍ଦ କହିଛନ୍ତି ଯେ, ଶୁକ୍ରବାର ରାତି ୮ଟା ସୁଦ୍ଧା ସର୍ବଭାରତୀୟ କୋଟାରୁ ସମ୍ପୂର୍ଣ୍ଣ ସିଟ୍ ଫେରିନି। ତେଣୁ ଖାଲି ସିଟ୍ ତାଲିକା ଆଜି ପ୍ରକାଶ କରାଯାଇ ପାରିଲାନାହିଁ। ଶନିବାର ସକାଳ ସୁଦ୍ଧା ଚିତ୍ର ସ୍ପଷ୍ଟ ହେବ ବୋଲି ଅନୁମାନ କରାଯାଉଛି। ଯଦି ଆହୁରି ବିଳମ୍ବ ହୁଏ ତେବେ ଚଏସ୍ ଲକିଂ ଓ ଫିଲିଂ ସମୟ ସୀମାକୁ ବୃଦ୍ଧି କରାଯିବ। ଏନେଇ ଛାତ୍ରଛାତ୍ରୀଙ୍କୁ ପରବର୍ତୀ ସମୟରେ ସୂଚନା ଦିଆଯିବ।
Prasanta Patnaik