ମୁମ୍ବାଇ ଯିବା ପୂର୍ବରୁ କରୋନା ପଜିଟିଭ ଚିହ୍ନଟ ହେଲେ ଅଭିନେତା-ସାଂସଦ ସନ୍ନି ଦେଓଲ

ଶିମଲା, ଡିସେମ୍ବର ୦୨ : ବଲିଉଡ ଅଭିନେତା ଓ ପଂଜାବର ଗୁରଦାସପୁର ସାଂସଦ ସନ୍ନି ଦେଓଲ କରୋନା ଭାଇରସରେ ସଂକ୍ରମିତ ହୋଇଛନ୍ତି । ହିମାଚଳ ପ୍ରଦେଶର ସ୍ୱାସ୍ଥ୍ୟ ସଚିବ ଅମିତାଭ ଅବସ୍ଥୀ ଗଣମାଧ୍ୟମକୁ ଏହି ସୂଚନା ଦେଇଛନ୍ତି । ସେ କହିଛନ୍ତି, ସନ୍ନି ଦେଓଲ ବ୍ୟକ୍ତିଗତ ଗସ୍ତରେ ହିମାଚଳ ପ୍ରଦେଶ ଆସିଥିଲେ । ସେ କିଛି ଦିନ ହେବ କୁଲ୍ଲୁ ଜିଲ୍ଲାର ମନାଲୀସ୍ଥିତ ଫାର୍ମ ହାଉସରେ ରହିଥିଲେ । 

୬୪ ବର୍ଷୀୟ ଅଭିନେତା ସନ୍ନି ଦେଓଲ ନିକଟରେ ମୁମ୍ବାଇରେ ନିଜର କାନ୍ଧରେ ସର୍ଜରୀ କରାଇଥିଲେ । ଏହା ପରେ କିଛି ସମୟ ଆରାମ କରିବାକୁ ମନାଲୀରେ ନିଜର ଫାର୍ମ ହାଉସ ଗସ୍ତ କରିଥିଲେ । ସେ କିଛି ଦିନ ହେବ ଏଠାରେ ଥିଲା । ଏହାରି ମଧ୍ୟରେ ଡିସେମ୍ବର ୩ ତାରିଖ ସନି ଦେଓଲ ନିଜର ବନ୍ଧୁମାନଙ୍କ ସହିତ ମୁମ୍ବାଇ ଯିବାକୁ ଯୋଜନା କରିଥିଲେ । କିନ୍ତୁ ସେ ଏବେ କରୋନା ପଜିଟିଭ ଚିହ୍ନଟ ହୋଇଛନ୍ତି ।