ମୁମ୍ବାଇରୁ ମନାଲୀ ଅଭିମୁଖେ ବାହାରିଲେ କଙ୍ଗନା ରଣାୱାତ, ସାଥୀରେ ଅଛନ୍ତି ଭଉଣୀ

ମୁମ୍ବାଇ, ସେପ୍ଟେମ୍ବର ୧୪ : ବଲିଉଡ ଅଭିନେତ୍ରୀ କଙ୍ଗନା ରଣାୱତ ମୁମ୍ବାଇରୁ ମନାଲୀ ଯାଉଛନ୍ତି । ଭଉଣୀ ରଂଗୋଲୀ ମଧ୍ୟ କଙ୍ଗନାଙ୍କ ସାଥୀରେ ଅଛନ୍ତି । ମୁମ୍ବାଇ ବିମାନ ବନ୍ଦରରେ କଙ୍ଗନାଙ୍କ ଲାଗି କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ତାଙ୍କର ସୁରକ୍ଷା ଲାଗି ୪୫ରୁ ୫୦ ଯବାନ ମୁତୟନ ହୋଇଛନ୍ତି ।

କଙ୍ଗନା ୱାଇ ସୁରକ୍ଷା ସହିତ ମୁମ୍ବାଇରୁ ମନାଲୀ ଯିବେ । ଏହାରି ମଧ୍ୟରେ ଘର ଠାରୁ ମୁମ୍ବାଇ ବିମାନ ବନ୍ଦର ଯିବା ରାସ୍ତାରେ ପ୍ରଦର୍ଶନକାରୀ ଓ ସମର୍ଥକଙ୍କୁ ଦେଖାଯାଇ ନାହିଁ । ସୂଚନାଯୋଗ୍ୟ କଙ୍ଗନା ରଣାୱତ ବୃହନ ମୁମ୍ବାଇ ମହାନଗର ପାଲିକାଙ୍କୁ ପ୍ରତିଶୃତି ଦେଇଥିଲେ ଯେ, ସେ ମୁମ୍ବାଇରେ ଅଳ୍ପ ସମୟ ପାଇଁ ରହିବେ । ଏଥିପାଇଁ ବିଏମସି ତାଙ୍କୁ ହୋମ କ୍ୱାରେଣ୍ଟାଇନରୁ ବାଦ ଦେଇଥିଲା । କଙ୍ଗନା ସେପ୍ଟେମ୍ବର ୯ ତାରିଖରେ ମୁମ୍ବାଇ ଆସିଥିଲେ ।