ମିଶନ-୨୦୧୯: ବିଜେପି ତିଆରି କରିଛି ୧୮୦୦ ହ୍ୱାଟସଆପ୍ ଗ୍ରୁପ, ଶାହାଙ୍କ ନଜରରେ କାର୍ଯ୍ୟକର୍ତା

ଦିଲ୍ଲୀ ଭାଜପ ମିଡିଆ ସେଲ୍ ପ୍ରମୁଖ ଏବଂ ସୋସିଆଲ ମିଡିଆ ସହ ପ୍ରଭାରୀ ନିଳକାନ୍ତ ବକ୍ସି କହିଛନ୍ତି, ଆମେ ପାର୍ଟିର ସବୁ ପଦାଧିକାରୀ ଏବଂ କାର୍ୟ୍ୟକର୍ତାଙ୍କୁ ସୋସିଆଲ ମିଡିଆ ପ୍ଲାଟଫର୍ମକୁ ଆଣିବାକୁ ପ୍ରୟାସ କରୁଛୁ । ଏବେ ପର୍ୟ୍ୟନ୍ତ ୧୮୦୦ରୁ ଅଧିକ ହ୍ୱାଟସଆପ୍ ଗ୍ରୁପ ତିଆରି ହୋଇଛି ଏବଂ ଏହାର ସଂଖ୍ୟା ବଢିବାରେ ଲାଗିଛି । ଏହାର ଲକ୍ଷ୍ୟ ହେଉଛି ସିଧା ସୂଚନା ପାଇବା ଏବଂ ମିଛ ଖବର ଉପରେ ରୋକ ଲଗାଇବା ।

ହ୍ୱାଟସଆପର ସବୁ ଗ୍ରୁପରେ ଭାଜପା ଅଧ୍ୟକ୍ଷ ଅମିତ ଶାହ ଏବଂ ଦିଲ୍ଲୀର ଭାଜପା ପ୍ରମୁଖ ମନୋଜ ତିବାରୀଙ୍କ ନମ୍ବର ରହିବ । ଗତ ମାସରେ ହୋଇଥିବା ଏକ ବୈଠକରେ ଶାହ ସୋସିଆଲ ମିଡିଆ ବ୍ୟବହାର କରୁଥିବା ନିଜ କାର୍ୟ୍ୟକର୍ତା ଏବଂ ନେତାଙ୍କର ମିଛ ସମାଚାର ପୋଷ୍ଟ କରିବା ଏବଂ ମିଛ ସନ୍ଦେଶକୁ ପରିବ୍ୟାପ୍ତ କରିବା ଉପରେ ରୋକ ଲଗାଇବାକୁ ଏପରି ନିଷ୍ପତି ନେଇଛନ୍ତି । ସେ କହିଛନ୍ତି ଏମିତି ମିଛ ଖବର ପରିବ୍ୟାପ୍ତ ହେବା ଦ୍ୱାରା ପାର୍ଟିର ବିଶ୍ୱସନୀୟତା ଉପରେ କ୍ଷତି ପଂହଚୁଛି ।

ସେ ଆହୁରି କହିଛନ୍ତି ଯେ, ଆସନ୍ତା ମାସ ପାର୍ଟି ଜିଲ୍ଲା ଏବଂ ମଣ୍ଡଳ ସ୍ତରରେ ସୋସିଆଲ ମିଡିଆକୁ ନେଇ ବୈଠକ କରିବାନେଇ ଯୋଜନା କରିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ସନ୍ଦେଶ ଏବଂ ଭାଜପା ନେତୃତ୍ୱରେ ରାଜ୍ୟ ସରକାରଙ୍କ ଉପଲବ୍ଧିକୁ ସୋସିଆଲ ମିଡିଆରେ ପ୍ରସାରିତ କରିବା ପାଇଁ ବୈଠକ ଡକା ଯାଉଛି ।