ଭୁବନେଶ୍ୱର, ଅଗଷ୍ଟ ୨୯ : ମହାନଦୀ ପରେ ଦୟାନଦୀ ଫୁଲିବାରେ ଲାଗିଛି । ହୀରାକୁଦ ଡ୍ୟାମରୁ ୪୨ଟି ଗେଟ ଦେଇ ଜଳ ନିଷ୍କାସନ ହେବା ପରେ ମହାନଦୀର ଉପନଦୀଗୁଡ଼ିକ ଉପରେ ମଧ୍ୟ ଏହାର ପ୍ରଭାବ ପଡ଼ିଥିବାରୁ ତଳିଆ ଅଂଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ମହନଦୀରେ ବନ୍ୟା ଜଳ ଆସିଥିବାରୁ ଦୟାନଦୀରେ ବନ୍ୟା ଜଳ ନିଷ୍କାସନ ହେବାରେ ଅସୁବିଧା ହୋଇଛି । ଫଳରେ ଦୟାନଦୀ ଫୁଲିବାରୁ ପାଣି ରାସ୍ତାକୁ ଆସିଛି ।
ପିପିଲି-ଜଟଣୀ ମୁଖ୍ୟ ରାସ୍ତାକୁ ଦୟାନଦୀର ପାଣି ଆସିଛି । କଣ୍ଟିଛକ ଠାରେ ୩ ଫୁଟ ଉଚ୍ଚର ବନ୍ୟା ପାଣି ପ୍ରବାହିତ ହେଉଛି । ଫଳରେ ଯାତାୟତ ଘୋର ପ୍ରଭାବିତ ହୋଇଛି । ମହାନଦୀରୁ ଉତ୍ପନ୍ନ ହୋଇଥିବା ଅନ୍ୟ ନଦୀଗୁଡ଼ିକରେ ମଧ୍ୟ ବନ୍ୟା ଜଳ ପ୍ରବାହିତ ଆଶଙ୍କା ରହିଛି ।
ହୀରାକୁଦ ଡ୍ୟାମର ତଳପଟରେ ମଧ୍ୟ ପ୍ରବଳ ମାତ୍ରାରେ ଜଳ ପ୍ରବାହିତ ହେଉଛି । ମାତ୍ର ତଳପଟରେ ବର୍ଷା ଛାଡ଼ି ଯାଇଥିବାରୁ ଉପନଦୀଗୁଡ଼ିକରେ ପୂର୍ବାପେକ୍ଷା ବନ୍ୟା ଜଳ କମ ଆସୁଛି । ମହନଦୀରେ ଜଳ ସ୍ତର ବଢ଼ିଥିବାରୁ କଟକ, କେନ୍ଦ୍ରାପଡ଼ା, ଜଗତସିଂହପୁର, ପୁରୀ, ନୟାଗଡ଼ ଓ ଖୋର୍ଦ୍ଧା ଜିଲ୍ଲା ପ୍ରଶାସନକୁ ସତର୍କ ସୂଚନା ଦିଆଯାଇଛି ।
Prasanta Patnaik