ମଧ୍ୟରାତ୍ରୀରେ ଅଗ୍ନିକାଣ୍ଡ: କୃଷ୍ଣପ୍ରସାଦରେ ଜଳିଗଲା ୨ ପରିବାରର ୫ ବଖରା ଘର

ଭୁବନେଶ୍ୱର, ଅଗଷ୍ଟ ୨୨  : ମଧ୍ୟରାତ୍ରୀରେ ଅଗ୍ନିକାଣ୍ଡ ଘଟଣା ଘଟିଛି । ସମସ୍ତେ ନିଘୋଡ଼ ନିଦରେ ଶୋଇଥିବା ବେଳେ ଘରଗୁଡ଼ିକ ହୁତୁହୁତ ହୋଇ ଜଳି ଛାରଖାର ହୋଇଯାଇଛି । ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକ ଅନ୍ତର୍ଗତ ଝାରକଟା ଗାଁରେ ଏହି ଘଟଣା ଘଟିଛି ।

ମଧ୍ୟରାତ୍ରୀରେ ଝାରକଟା ଗାଁର ୨ଟି ପରିବାରର ୫ ବଖରା ଘରେ ନିଆଁ ଲାଗିବା ପରେ ଲୋକେ ଆତଙ୍କିତ ହୋଇଯାଇଥିଲେ । ଗାଁ ଲୋକେ ବହୁ ଉଦ୍ୟମ କରି ମଧ୍ୟ ନିଆଁକୁ ଲିଭାଇପାରି ନଥିଲେ । ଶେଷରେ ସୂଚନା ମିଳିବା ପରେ ଅଗ୍ନିଶମ ବିଭାଗର କର୍ମଚାରୀମାନେ ଆସି ନିଆଁକୁ ଆୟତ୍ତ କରିଛନ୍ତି । ତେବେ ନିଆଁ ଆୟତ୍ତ ହେବା ପୂର୍ବରୁ ଲକ୍ଷାଧିକ ଟଙ୍କାର ଜିନିଷପତ୍ର ପୋଡ଼ିଯାଇଥିବା ବେଳେ ଏହାର କାରଣ ଜଣା ପଡ଼ିନାହିଁ । ତେବେ ବିପନ୍ନ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଦାବି ହୋଇଛି ।