ମଦ ପିଇବା ପାଇଁ ସ୍ତ୍ରୀ ଟଙ୍କା ନ ଦେବାରୁ ଦୁଇ କାନ କାଟି କାନଫୁଲ ନେଇଗଲା ସ୍ୱାମୀ

ନୋଏଡା : ଉତ୍ତରପ୍ରଦେଶର ଗ୍ରେଟର ନୋଏଡାରେ ଘଟିଥିବା ଏକ ଘଟଣାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି । ମଦ ପିଇବା ପାଇଁ ସ୍ୱାମୀ ସ୍ତ୍ରୀର ଦୁଇ କାନ କାଟି ସ୍ତ୍ରୀ କାନରେ ପିନ୍ଧିଥିବା କାନଫୁଲ ଛଡ଼ାଇ ନେଇ ଯାଇଥିବା ସୂଚନା ମିଳିଛି । ଏହି ଘଟଣା ଘଟିବା ପରେ ଗୁରୁତର ଅବସ୍ଥାରେ ପୀଡ଼ିତାଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଅଭିଯୁକ୍ତ ସ୍ୱାମୀକୁ ଗିରଫ କରିଛି ପୁଲିସ । ଆଶ୍ଚର୍ଯ୍ୟ କଲା ଭଳି ଏହି ଘଟଣା ଗ୍ରେଟର ନୋଏଡାର ଦାଦରୀ ନଗରରେ ଘଟିଥିଲା । ପୀଡ଼ିତା ଏଠାରେ ରହି ଘର ଚଳାଇବା ପାଇଁ ଦୋକନ ଚଳାଉଥିବା ବେଳେ ଅଭିଯୁକ୍ତ ଆୟ ହେଉଥିବା ସବୁ ଟଙ୍କାରେ ମଦ ପିଉଥିଲେ । ପୀଡ଼ିତା ଘର ଚଳାଇବା ପାଇଁ ଯାହା ବି ଟଙ୍କା ସଞ୍ଚୟ କରୁଥିଲେ ସବୁ ଛଡ଼ାଇ ନେଉଥିଲା ଅଭିଯୁକ୍ତ ସ୍ୱାମୀ ।