ମଣ୍ଡିରୁ ଉଠୁନି ଧାନ, କଲମପୁର – ମୁଖିଗୁଡା ରାସ୍ତା ଅବରୋଧ କଲେ ଉତ୍ୟକ୍ତ ଚାଷୀ

ଭୁବନେଶ୍ୱର, ଜାନୁଆରୀ 25 : ତାତିଲେ ଚାଷୀ  । କଳାହାଣ୍ଡି ଜିଲ୍ଲାରେ ମଣ୍ଡିରୁ ଉଠୁନି ଚାଷୀଙ୍କ ଧାନ ।  ମଣ୍ଡିରେ ହଜାର ହଜାର କୁଇଣ୍ଟାଲ ଧାନ ପଡ଼ି ରହିଛି  । ଫଳରେ ଆଜି ଟ୍ରାକ୍ଟର ବୋଝେଇ ଧାନ ରଖି କଳାହାଣ୍ଡି ଜିଲ୍ଲା କଲମପୁର – ମୁଖିଗୁଡା ରାସ୍ତା ଅବରୋଧ କରିଛନ୍ତି ଚାଷୀ  । ଫଳରେ ଏହି ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଛି  ।

କଳାହାଣ୍ଡି ଜିଲ୍ଲାର କଲମପୁର ବ୍ଲକ ପଣ୍ଡି ଗାଁ ମଣ୍ଡିରେ ଉଠୁନି ଧାନ । ଏହି ମଣ୍ଡିରେ ୪୪ହଜାର କୁଇଣ୍ଟାଲ ଧାନ ଉଠାନ୍ ଟାର୍ଗେଟ ଥିବା ବେଳେ ବର୍ତ୍ତମାନ ସୁଦ୍ଧା ୨୨ ହଜାର କୁଇଣ୍ଟାଲ ଧାନ ଉଠାନ୍ ହୋଇଛି  ।  ମଣ୍ଡିରେ ଆଉ ୨୨ ହଜାର କୁଇଣ୍ଟାଲ ଧାନ ରେ ମଣ୍ଡିରେ ପଡ଼ିରହିଛି  ।  ଏନେଇ  ଚାଷୀ ସ୍ଥାନୀୟ ବିଡ଼ିଓ ଙ୍କୁ ଲିଖିତ ଅଭିଯୋଗ କରିଥିଲେ ମଧ୍ୟ କୌଣସି ସମାଧାନ ହୋଇନାହିଁ  ।  ଆଜି ସକାଳୁ ଚାଷୀ କଲମପୁର ମୁଖୀଗୁଡା ରାସ୍ତା ଅବରୋଧ କରିଛନ୍ତି  ।