ଭୁବନେଶ୍ବର ଓ କଟକ ସମେତ ଦେଶର ବିଭିନ୍ନ ଅଞ୍ଚଳରେ ଛଟ ପର୍ବ ପାଳିତ

ନୂଆଦିଲ୍ଲୀ: ଦେଶର ବିଭିନ୍ନ ଅଞ୍ଚଳରେ ଛଟ ପର୍ବ ପାଳିତ ହୋଇଛି ।ଶ୍ରଦ୍ଧାଳୁମାନେ ପ୍ରଥମ ଦିନ ଅସ୍ତଗାମୀ ସୂର୍ଯ୍ୟଙ୍କୁ ଅର୍ଘ୍ୟ ପ୍ରଦାନ କରିଥିବା ବେଳେ ଦ୍ୱିତୀୟ ଦିନ ଅର୍ଥାତ ଆଜି ପ୍ରାତଃ ସମୟରେ ଉଦିତ ସୂର୍ଯ୍ୟଙ୍କୁ ପୂଜାର୍ଚ୍ଚନା କରିଥିବା ଜଣାଯାଇଛି । ସମଗ୍ର ଦେଶର ପ୍ରମୁଖ ଜଳାଶ୍ରୟ ଗୁଡ଼ିକରେ ଶ୍ରଦ୍ଧାଳୁମାନେ ସୂର୍ଯ୍ୟଙ୍କୁ ଅର୍ଘ୍ୟ ଦେଇଛନ୍ତି । ପରିବାରର ମଙ୍ଗଳ କାମନା କରି ଶ୍ରଦ୍ଧାଳୁ ରବିବାର ଭୋର ସକାଳୁ ଜଳାଶୟରେ ସୂର୍ଯ୍ୟଙ୍କୁ ପୂଜାର୍ଚ୍ଚନା କରିଛନ୍ତି । ଛଟ ଦେବୀ ହେଉଛନ୍ତି ଭଗବାନଙ୍କ ସୂର୍ଯ୍ୟଙ୍କ ଭଉଣୀ। ଏହି ପୂଜା ପାଳନ ବେଳେ ଦେବୀଙ୍କ ଭାଇ ସୂର୍ଯ୍ୟଙ୍କୁ ଅର୍ଘ୍ୟ ଦିଆଯାଇଥାଏ ।