ଭାରତୀୟ ବାୟୁସେନାର ଜାଗୁଆର ବିମାନ ଦୁର୍ଘଟଣାଗ୍ରସ୍ତ: ଅଳ୍ପକରେ ବର୍ତ୍ତିଲେ ପାଇଲଟ

ବର୍ଷକ ମଧ୍ୟରେ ଭାରତୀୟ ବାୟୁସେନାର ଜାଗୁଆର ବିମାନ ଦୁର୍ଘଟଣାଗ୍ରସ୍ତ ହେବାରେ ଏହା ଦ୍ୱିତୀୟ ଘଟଣା। ଏହା ପୂର୍ବରୁ ଗତ ଜୁନ୍‌ ମାସରେ ସମାନ ଢ଼ଙ୍ଗରେ ଅନ୍ୟ ଏକ ଜାଗୁଆର ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ହସ୍ତଗତ ହୋଇଥିବା ଘଟଣାର ବିବରଣୀରୁ ପ୍ରକାଶ, ଆଜି ପୂର୍ବାହ୍ନରେ ଉତ୍ତରପ୍ରଦେଶର ଗୋରଖପୁର ଏୟାରବେସ୍‌ରୁ ଏକ ଟ୍ରେନିଂ କାର୍ଯ୍ୟକ୍ରମରେ ଅଂଶଗ୍ରହଣ କରିବା ପାଇଁ ସଂପୃକ୍ତ ଜାଗୁଆର ବିମାନଟି ଉଡ଼ାଣ ଆରମ୍ଭ କରିବାର କିଛି ସମୟ ପରେ ଏଥିରେ ନିଆଁ ଲାଗି ଯାଇଥିଲା। ପରେ ବିମାନଟିରେ ବିସ୍ଫୋରଣ ଘଟିବା ସହ ବିମାନଟି ତଳକୁ ଖସି ପଡ଼ିଥିଲା। ଏବଂ ଜନବସତି ଠାରୁ ଅଳ୍ପ ଦୂରରେ ଥିବା ଏକ ଖୋଲା ସ୍ଥାନରେ ପଡ଼ିଥିଲା।