ଭକ୍ତଙ୍କୁ ମିଳିବ ଆଶ୍ୱସ୍ତି,ଶ୍ରୀମନ୍ଦିର ପରିସରରେ ହଟିଲା ଅସ୍ଥାୟୀ ବ୍ୟାରିକେଟ୍‌

ପୁରୀ , ଫେବୃଆରୀ 9 : ଜନସାଧାରଣଙ୍କ ସୁବିଧା ପାଇଁ ପୁରୀ ମରିଚିକୋଟ ଛକ ଠାରୁ ଶ୍ରୀମନ୍ଦିର କାର୍ଯ୍ୟାଳୟ ପର୍ଯ୍ୟନ୍ତ ଅସ୍ଥାୟୀର ବ୍ୟାରିକେଡ଼କୁ ହଟାଇଲା ପ୍ରଶାସନ । ଶ୍ରୀମନ୍ଦିର ପ୍ରଶାସନର ଉନ୍ନୟନ ପ୍ରଶାସକ ପକ୍ଷରୁ କୁହାଯାଇଛି ଯେ ଯେହେତୁ ଆଗକୁ ସରସ୍ୱତୀ ପୁଜା ଆସୁଛି ତେଣୁ ଭକ୍ତମାନଙ୍କ ଗହଳିକୁ ଦୃଷ୍ଟିରେ ରଖି ଏପରି ବ୍ୟବସ୍ଥା କରାଯାଇଛି ।

ଏବେ ଭକ୍ତମାନେ ସ୍ଥାୟୀ ଭାବେ ଥିବା ବ୍ୟାରିକେଟ୍ ଦେଇ ମନ୍ଦିର ଭିତରକୁ ପ୍ରବେଶ କରିପାରିବେ । ଏହାସହ ଭକ୍ତଙ୍କ ଧାଡ଼ି ମଧ୍ୟ କମାଯିବ , ଯାହାଫଳରେ ଭକ୍ତମାନେ ସୁବିଧାରେ ଜଗା ଦର୍ଶନ କରିପାରିବେ । କରୋନା ଭୂତାଣୁକୁ ଦୃଷ୍ଟିରେ ରଖି ସାମାଜିକ ଦୂରତା ସହ ନିୟମ ମାନି ଶ୍ରୀମନ୍ଦିର ଭିତରକୁ ପ୍ରବେଶ କରିବା ପାଇଁ ନିର୍ଦ୍ଦେଶ ଦିଆଯାଇଛି ।