ବ୍ୟକ୍ତିଗତ କାରଣ ଦର୍ଶାଇ ଆପ୍‌ରୁ ଇସ୍ତଫା ଦେଲେ ଆଶୁତୋଷ

ନୂଆଦିଲ୍ଲୀ: ବ୍ୟକ୍ତିଗତ କାରଣ ଦର୍ଶାଇ ଦଳରୁ ଇସ୍ତଫା ଦେଲେ ଆମ୍‌ ଆଦ୍‌ମି ପାର୍ଟିର ନେତା ଆଶୁତୋଷ। ଆଜି ଟୁଇଟ୍‌ ଜରିଆରେ ସେ ଏହା ଘୋଷଣା କରିଛନ୍ତି। ଦଳରେ ସେ କୌଣସି ଆନୁଷ୍ଠାନିକ ପଦବୀ ପ୍ରାପ୍ତ ହୋଇ ନ ଥିଲେ, କିନ୍ତୁ ରାଜନୈତିକ ବ୍ୟାପାର କମିଟିର ସଦସ୍ୟ ଥିଲେ। ନିଜ ପୁସ୍ତକ ଲେଖିବାକୁ ସେ ଦୁଇ ମାସ ଛୁଟିରେ ଥିଲେ। ଦୁଇ ମାସ ପୂରି ଯାଇଥିଲେ ବି ସେ ଫେରି ନ ଥିଲେ। ଗତ ସାଧାରଣ ନିର୍ବାଚନରେ ଆଶୁତୋଷ ଦିଲ୍ଲୀର ଚାନ୍ଦିନୀଚୌକ୍‌ରୁ ପ୍ରତିଦ୍ୱନ୍ଦ୍ୱିତା କରି ପରାଜିତ ହୋଇଥିଲେ।