ବ୍ରାଉନ୍ ସୁଗର ଜବତ, ୧ ଗିରଫ

ରାଉରକେଲା, ୪ା୮  : ସେକ୍ଟର-୩ ଥାନା ପୁଲିସ ଆଜି ବ୍ରାଉନସୁଗର ବିକ୍ରି କରୁଥିବା ଅଭିଯୋଗରେ ଜଣେ ଯୁବକକୁ ଗିରଫ କରିଛି । ଗିରଫ ଯୁବକକୁ ଅଟକ ରଖି ବ୍ରାଉରସୁଗାର ସମ୍ପର୍କରେ ଅଧିକ ସୂଚନା ପାଇବାକୁ ପୁଲିସ୍ ଉଦ୍ୟମ ଜାରି ରଖିଛି ।

ପୋଲିସ ସୂଚନା ଅନୁଯାୟୀ, ସେକ୍ଟର-୧ ଅଞ୍ଚଳର ରାଜେଶ ହରିପାଲ (୨୫) ନାମକ ଯୁବକ ବ୍ରାଉନ୍ସୁଗାର ବିକ୍ରି କରୁଥିବା ନେଇ ପୁଲିସକୁ ଖବର ମିଳିଥିଲା । ଏହି ଖବର ଆଧାରରେ ପୁଲିସ ମାଜିଷ୍ଟ୍ରେଟ୍ ଜ୍ୟୋତି ବିକାଶ ଦାସଙ୍କ ଉପସ୍ଥିତିରେ ରାକେଶ ନିକଟରୁ ୧ ଗ୍ରାମରୁ ଊଦ୍ଧ୍ୱର୍ ଓଜନର ବ୍ରାଉନସୁଗାର ଜବତ କରିଥିଲା । ଏଥିସହ ୪ ହଜାର ୪ ଶହ ଟଙ୍କା ଜବତ କରାଯାଇଥିଲା ।

ଜବତ ବ୍ରାଉନ୍ ସୁଗରର ଆନୁମାନିକ ମୂଲ୍ୟ ପ୍ରାୟ ୨ରୁ ୩ ହଜାର ଟଙ୍କା ହେବ ବୋଲି ଜଣାପଡ଼ିଛି । ଗିରଫ ରାଜେଶକୁ ଆଜି କୋର୍ଟ ଚାଳାଣ କରାଯାଇଛି । ତେବେ ଏହି ନିଶା ବେପାରର ଖିଅ ଧରିବାକୁ ପୁଲିସ ଉଦ୍ୟମ ଆରମ୍ଭ କରିଛି ।