ବୋଲେରୋ ବାଇକ୍ ଧକ୍କା, ୨ ଗୁରୁତର

ପରଜଙ୍ଗ: ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ଅଁଳାକଟା ଗ୍ରାମ ନିକଟରେ କନ୍ଦରସିଂହା ଭାଲୁ ମୁଣ୍ଡା ଛକ ଠାରେ ଏକ ବୋଲେରୋ ସହ ବାଇକ୍ ମୁଁହାମୁଁହି ଧକ୍କା ହେବାଫଳରେ ବାଇକ୍ ଆରୋହୀ ୨ଜଣ ଗୁରୁତର ଆହତ ହୋଇଛନ୍ତି  । ତାଳଚେର ଟାଉନ୍ର ଚକ୍ଲେଟ୍ ଡିଜିଟାଲ୍ ସାଉଣ୍ଡର ମାଲିକ ନିଳାଚଳ ନାୟକ (୩୦) ଏବଂ ତାଙ୍କ କର୍ମଚାରୀ ଅରୁପାନନ୍ଦ ନାୟକ (୧୮) ବାଜାଜ୍ ଡିସ୍କୋଭର ନମ୍ବର ଓ.ଆର୍.୧୯.ଜି-୮୧୬୩ ରେ ସୋମବାର ଅପରାହ୍ନରେ ସାଆନ୍ଦାକୁ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ଏକ ଓ.ଆର୍.୧୯-ଏଚ୍ ୬୭୪୪ ନାମକ ଏକ ବୋଲେରୋ ସହିତ ମୁଁହାମୁଁହି ଧକ୍କା ହୋଇଥିଲା ।

ଏଥିରେ ଡିଜିଟାଲ୍ ସାଉଣ୍ଡ ମାଲିକ ଏବଂ କର୍ମଚାରୀଙ୍କ  ଗୋଡ ଏବଂ ମୁଣ୍ଡ ଗୁରୁତର ଭାବେ  ଆଘାତ ହୋଇଥିଲା  । ସ୍ଥାନୀୟ ଲୋକେ ୧୦୮ ଆମ୍ବୁଲାନ୍ସ ଯୋଗେ ସେମାନଙ୍କୁ ପ୍ରଥମେ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ  । ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ ମେଡିକାଲକୁ ପଠା ଯାଇଥିଲା । ଦୁର୍ଘଟଣା ଘଟିବାପରେ ବୋଲେରୋ ଡ୍ରାଇଭର ଫେରାର ହୋଇଯିବାପରେ ପରଜଙ୍ଗ ପୁଲିସ ବୋଲେରୋକୁ ଜବତ କରି ତଦନ୍ତ ଚଳାଇଛି  ।