192 Views
ଭୁବନେଶ୍ୱର, ଜୁଲାଇ ୨୧: ବର୍ଷାରେ ଭାସୁଛି ଟ୍ୱିନସିଟି । ଲଘୁଚାପ ପ୍ରଭାବରେ ରାଜ୍ୟ ତମାମ ଲାଗି ରହିଛି ପ୍ରବଳ ବର୍ଷା । ରାଜଧାନୀ ଭୁବନେଶ୍ୱର ସମେତ କଟକରେ ଲଗାଣ ବର୍ଷା ଦ୍ୱାରା ଜନଜୀବନ ଏକ ପ୍ରକାର ଠପ୍ ହୋଇ ଯାଇଛି । ତେବେ ପରିସ୍ଥିତିକୁ ନଜରରେ ରଖି ପ୍ରଶାସନ ତରଫରୁ ଟ୍ୱିନସିଟିର ସମସ୍ତ ସ୍କୁଲକୁ ଆଜି ବନ୍ଦ କରାଯାଇଛି । ଏନେଇ ସ୍ୱତନ୍ତ୍ର ରିଲିଫ କମିଶନରଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
ସୂଚନାନୁଯାୟୀ, ଗତକାଲିଠାରୁ ରାଜ୍ୟରେ ଜାରି ରହିଛି ଲଗାଣ ବର୍ଷା । ଏହାର ପ୍ରଭାବରେ ଟ୍ୱିନସିଟିରେ ସୃଷ୍ଟି ହୋଇଛି ବନ୍ୟା ପରିସ୍ଥିତି । ବିଭିନ୍ନ ମୁଖ୍ୟ ରାସ୍ତାରେ ପାଣି ମାଡିବା ସହ ଘରେ ମଧ୍ୟ ବର୍ଷା ପାଣି ପଶିଯାଇଥିବା ଦେଖିବାକୁ ମିଳିଛି । ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଟ୍ୱିନସିଟିବାସୀ ।
Prasanta Patnaik 
amfnews