ନୂଆଦିଲ୍ଲୀ, ସେପ୍ଟେମ୍ବର ୧୧ : ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଆଜି ଦୁଇ ଦିନିଆ ଗସ୍ତରେ ବିହାର ପହଂଚିବେ । ଏହି ଗସ୍ତ କାଳରେ ନିର୍ବାଚନକୁ ଦୃଷ୍ଟିରେ ରଖି କିଛି କାର୍ଯ୍ୟକ୍ରମର ଶୁଭାରମ୍ଭ କରିବେ । ସେ ଶୁକ୍ରବାର ପାଟଣାରେ ଦଳୀୟ କାର୍ଯ୍ୟାଳୟରେ ନିର୍ବାଚନ ପରିଚାଳନା କମିଟିର ବୈଠକ ଠାରୁ ଆରମ୍ଭ କରି ପ୍ରସ୍ତୁତିର ସମୀକ୍ଷା କରିବେ । ସେହିପରି ଆଗାମୀ ଦିନରେ ବିହାରରେ ଆତ୍ମନିର୍ଭର ଭାରତ କାର୍ଯ୍ୟକ୍ରମର ଶୁଭାରମ୍ଭ କରିବେ ।
ଜେପି ନଡ୍ଡା ପହଂଚିବା ପୂର୍ବରୁ ବିଜେପିର ଅନେକ ବରିଷ୍ଠ ନେତା ପାଟଣା ପହଂଚିବେ । ବିଜେପିର ରାଷ୍ଟ୍ରୀୟ ମହାସଚିବ ଏବଂ ରାଜ୍ୟସଭା ସଦସ୍ୟ ଭୂପେନ୍ଦ୍ର ଯାଦବ ଏବଂ ମହରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନବୀସ ମଧ୍ୟ ଆଜି ପାଟଣା ଗସ୍ତ କରୁଛନ୍ତି ।
ଜାତୀୟ ଗଣମାଧ୍ୟମକୁ ଦଳୀୟ ସୂତ୍ରରୁ ମିଳିଥିବା ସୂଚନା ଅନୁସାରେ ଜେପି ନଡ୍ଡା ଆଜି ପାର୍ଟିର ନିର୍ବାଚନ ପରିଚାଳନା କମିଟିର ବୈଠକରେ ଯୋଗଦେବେ । ସେ ଶନିବାର ଦିନ ରାଜ୍ୟର ଅନ୍ୟ କିଛି ସ୍ଥାନକୁ ଯିବେ । ଶ୍ରୀ ନଡ୍ଡା ବିଭିନ୍ନ ଗୋଷ୍ଠୀ ସହିତ ଆଲୋଚନା କରିପାରନ୍ତି ।
Prasanta Patnaik