ବିଶ୍ୱ ସ୍ତନ୍ୟପାନ ସପ୍ତାହ ପାଳନ

ରାଉରକେଲା, ୧୦ା୮: ଇନର ହ୍ୱିଲ କ୍ଲବ ରାଉରକେଲା ମିଡ୍ ଟାଉନ ସଦସ୍ୟାମାନେ ହାଇଟେକ୍ ମେଡିକାଲ କଲେଜର ମିଳିତ ସହଯୋଗରେ ବିଶ୍ୱ ସ୍ତନ୍ୟପାନ ସପ୍ତାହ ପାଳନ ହୋଇଛି । ହାଇଟେକ୍ ମେଡିକାଲ କଲେଜର ସେବିକା ବୃନ୍ଦ, ଚିକିତ୍ସକ ଓ ହାଉସସର୍ଜନଙ୍କ ସହ ପରିଚାଲନା କର୍ତ୍ତୃପକ୍ଷ ଶତାଧିକ ସଂଖ୍ୟାରେ ଯୋଗ ଦେଇଥିଲେ ।

କଲେଜ ପରିସରରେ ଅନୁଷ୍ଠିତ ଏହି ସଭାରେ ଇନର ହ୍ୱିଲ କ୍ଲବ୍ ସଭାପତି ପ୍ରତିମା ମହାପାତ୍ର ଅଧ୍ୟକ୍ଷତା କରିଥିଲେ । ମେଡିକାଲ କଲେଜର ବରିଷ୍ଠ ଶିଶୁ ବିଶେଷଜ୍ଞ ଡ.କେ.ପି. ବେହେରା ଓ ସ୍ତ୍ରୀ ଓ ପ୍ରସୂତି ବିଭାଗର ସ୍ୱନାମଧନ୍ୟ ଚିକିତ୍ସକ ଡ.ଏସ୍.ଆର୍. ଦାସ ପ୍ରମୁଖ ସାରଗର୍ଭକ ଭାଷଣ ମାଧ୍ୟମରେ ମାତୃ ସ୍ତନ୍ୟପାନର ଗୁରୁତ୍ୱ ଉପରେ ବିଶଦ୍ ଭାବରେ ଆଲୋକପାତ କରିଥିଲେ ।

ହାଇଟେକ୍ ମେଡିକାଲ କଲେଜ ସର୍ଜରୀ ବିଭାଗର ମୁଖ୍ୟ ଡ.ପି.ସି. ମହାପାତ୍ରଙ୍କ ସଂଯୋଜନାରେ ଏହି ସଚେତନତା ଶିବିର ଆୟୋଜିତ ହୋଇଥିଲା । କ୍ଲବ୍ କୋଷାଧ୍ୟକ୍ଷ ମହିମା ମହାପାତ୍ର ଧନ୍ୟବାଦ ଦେଇଥିଲେ । ସମ୍ପାଦକ ନୀତୁ ଅଗ୍ରୱାଲଙ୍କ ସମେତ ରୁଗ କକ୍କଡ, ରୀତା ମିଶ୍ର, ରୁନା ମହାନ୍ତି, ମିନାକ୍ଷୀ ଭୂୟାଁ, ମଞ୍ଜୁ ମେହେର ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।