ନୂଆଦିଲ୍ଲୀ, ଡିସେମ୍ବର ୧୯ : କିଛି ସପ୍ତାହ ପୂର୍ବରୁ ଅନିୟନ୍ତ୍ରିତ ପିଆଜର ମୂଲ୍ୟ ବୃଦ୍ଧି ଦେଶର ଗ୍ରାହକଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଥିଲା, କିନ୍ତୁ ବର୍ତ୍ତମାନ ପିଆଜ ବିଶ୍ୱ ବଜାର ଅପେକ୍ଷା ଭାରତରେ ଶସ୍ତା ହୋଇଛି। ତେଣୁ ବର୍ତ୍ତମାନ ଆମଦାନି କରିବାର କୌଣସି ସୁଯୋଗ ନାହିଁ, ଭାରତ ସରକାର ପିଆଜ ଆମଦାନି ଲାଗିଥିବା ଅଙ୍କୁଶକୁ ଆସନ୍ତା ବର୍ଷ ଜାନୁୟାରୀ ୩୧ ପର୍ଯ୍ୟନ୍ତ ବୃଦ୍ଧି କରିଛନ୍ତି।
ବ୍ୟବସାୟୀଙ୍କ ଅନୁଯାୟୀ ବର୍ତ୍ତମାନ ଆମଦାନି କରିବାର କୌଣସି ଆବଶ୍ୟକତା ନାହିଁ କାରଣ ବିଦେଶରେ ପିଆଜ ଭାରତୀୟ ବଜାର ଅପେକ୍ଷା ମହଙ୍ଗା ଅଟେ, ଆମଦାନି କରିବାର କୌଣସି ଯୋଜନା ନାହିଁ ।
ଉଦ୍ୟାନ କୃଷି ଉତ୍ପାଦନ ରପ୍ତାନିକାରୀ ସଂଘର ସଭାପତି ଅଜିତ ଶାହା କହିଛନ୍ତି ଯେ ଆମଦାନି ହୋଇଥିବା ପିଆଜର ମୂଲ୍ୟ କିଲୋଗ୍ରାମ ପିଛା ୪୫ ଟଙ୍କା ଥିବାବେଳେ ଦେଶର ବଜାରରେ ପିଆଜର ହୋଲସେଲ ମୂଲ୍ୟ ୧୫ରୁ ୨୫ ଟଙ୍କା ମଧ୍ୟରେ ରହିଛି।
ସେ କହିଛନ୍ତି ଯେ ଏଭଳି ପରିସ୍ଥିତିରେ ପିଆଜ ଆମଦାନୀ କରିବାର ଯୋଜନା ନାହିଁ। ଏଥିସହ ମୂଲ୍ୟ ଯଥେଷ୍ଟ ହ୍ରାସ ପାଇଛି, ଘରୋଇ ଆଗମନ କ୍ରମାଗତ ଭାବରେ ବୃଦ୍ଧି ପାଉଛି, ତେଣୁ ଆମଦାନି କରିବାର ଆବଶ୍ୟକତା ନାହିଁ । ଦିଲ୍ଲୀର ଆଜାଦପୁର ସବୁଠୁ ବଡ ପନିପରିବା ମଣ୍ଡିରେ ଗତ ତିନିଦିନ ପାଇଁ ପିଆଜର ହୋଲସେଲ ମୂଲ୍ୟ ୭.୫୦ ରୁ ୨୭.୫୦ ଟଙ୍କା ଥିବାବେଳେ କିଲୋଗ୍ରାମର ହାରାହାରି ମୂଲ୍ୟ ୧୮.୫୦ ଟଙ୍କା।
ଆଜାଦପୁର ମଣ୍ଡିର ଜଣେ ବ୍ୟବସାୟୀ କହିଛନ୍ତି ଯେ ଆମଦାନି ହୋଇଥିବା ପିଆଜ ବର୍ତ୍ତମାନ ବଜାରରେ ଆସୁନାହିଁ କାରଣ ଦେଶ ଆଭ୍ୟନ୍ତରରେ ପିଆଜ ଉତ୍ପାଦନ ଯଥେଷ୍ଟ ବୃଦ୍ଧି ପାଇଛି।
Prasanta Patnaik