ରାଉରକେଲା, ୧୨ା୧୨ : ସହରର ଜଣାଶୁଣା ବିଲ୍ଡର ଅନମୋଲ ସିଂହଙ୍କୁ ଗୁଳିମାଡ ହୋଇଛି । ବେଦବ୍ୟାସ ବେଲ୍ଡିହି ଛକ ଠାରେ ୨ଟି ବାଇକ୍ରେ ୪ ଯୁବକ ଆସି ଅନମୋଲଙ୍କ କାର୍ ଓ ତାଙ୍କ ଉପରକୁ ପ୍ରାୟ ୧୦ ରାଉଣ୍ଡ ଗୁଳି ଚଳାଇ ଫେରାର୍ ହୋଇଯାଇଥିବା ବେଳ୍ ଅନ୍ମୋଲ ଅଳ୍ପକେ ବର୍ତ୍ତି ଯାଇଛନ୍ତି । ମାତ୍ର ତାଙ୍କ ସୁରକ୍ଷା କର୍ମୀ ପିଣ୍ଟୁ ରାଉତ ରାସ୍ତାରେ ପଡିଯିବାରୁ ଆହତ ହୋଇଥିବା ଜଣାପଡିଛି । ଖବର ପାଇ ପ୍ଲାଣ୍ଟସାଇଟ୍ ଓ ବ୍ରାହ୍ମଣୀତରଙ୍ଗ ପୁଲିସ୍ ସେଠାରେ ପହଞ୍ôଚ ୬ଟି ଗୁଳି ଓ ଅନ୍ମୋଲ ସିଂହଙ୍କ କାର୍କୁ ଜବତ କରିଛି ।
ଏ ସମ୍ପର୍କରେ ବ୍ରାହ୍ମଣୀତରଙ୍ଗ ଥାନାରେ ଲିଖିତ ଅଭିଯୋଗ କରିଛନ୍ତି ଅନମୋଲ ସିଂହ । ତେବେ ବ୍ୟବସାୟିକ ଶତ୍ରୁତା କିମ୍ବା ଦାଦାବଟି ଆଦାୟକୁ ନେଇ ଏହି ଗୁଳିକାଣ୍ଡ ଘଟିଥିବା ଅନୁମାନ କରାଯାଉଛି । ପୂର୍ବରୁ ମଧ୍ୟ ଅନମୋଲଙ୍କ ଉପରେ ଏଭଳି ଆକ୍ରମଣ ହୋଇଥିଲା । ସିଭିଲ ଟାଉନସିପ୍ରେ ରହୁଥିବା ଏହି ବିଲଡରଙ୍କ ସହଜେ ଏନ୍କ୍ଲେଭ୍ ପ୍ରାଇଭେଟ୍ ଲିମିଟେଡ୍ ନାମରେ ଏକ ବିଲଡର କମ୍ପାନୀ ଅଛି । ଗତ ୧୦ ତାରିଖ ଦିନ ସହରର ଜଣେ ବ୍ୟବସାୟୀଙ୍କ ପୁଅ ବିବାହ ବାର୍ଷିକୀ ପାର୍ଟି ଥିଲାବାରୁ କେତେକ ସାଙ୍ଗଙ୍କ ସହ ବେଲଡିହି ସ୍ଥିତ ସୋନୁ ଢାବାରେ ପାର୍ଟିର ଆୟୋଜନ ହୋଇଥିଲା । ଅନ୍ମୋଲ ନିଜ କାର୍ରେ ସେଠାରେ ପହଞ୍ôଚଥିଲେ ।
ପାର୍ଟି ପରେ କାର୍ରେ ଘରକୁ ଫେରୁଥିବା ବେଳେ ବେଲ୍ଡିହି ଛକ ଅତିକ୍ରମ ପରେ ସମସ୍ତେ ଗାଡିରୁ ଓହ୍ଲାଇଥିଲେ । ହଠାତ୍ ଏକିକିବେଳେ ୨ଟି ବାଇକ୍ରେ ୪ ଜଣ ଯୁବକ ଆସି ଅନ୍ମୋଲଙ୍କ କାର୍ ଉପରକୁ ଆଖିବୁଜା ଗୁଳି ଚଳାଇଥିଲେ । ଫଳରେ ଅନ୍ମୋଲ ସିଂହ ବର୍ତ୍ତି ଯାଇଥିବା ବେଳେ ତାଙ୍କ ସୁରକ୍ଷା କର୍ମୀ ପିଣ୍ଟୁ ଆହତ ହୋଇଛନ୍ତି । ଅନ୍ୟ କାର୍ରେ ଥିବା ବ୍ୟବସାୟୀଙ୍କ ପୁଅ ଓ ଅନ୍ୟମାନେ ଜୀବନ ବଞ୍ଚାଇବାକୁ ଯାଇ ଗାଡି ଛାଡି ପଳାଇଥିଲେ । ଯୁବକମାନେ ସେଠାରୁ ଯିବା ପରେ ବ୍ୟବସାୟୀଙ୍କ ପୁଅ, ଅନ୍ମୋଲ ଓ ଅନ୍ୟମାନେ ପିଣ୍ଟୁକୁ ନେଇ ଏକ ଘରୋଇ ହସ୍ପିଟାଲରେ ଭର୍ତ୍ତି କରିଥିଲେ । କାର୍ରେ ୬ଟି ଗୁଳି ମାଡ ଚିହ୍ନ ରହିଛି । ଏହାକୁ ଆଧାର କରି ଫରେନ୍ସିକ୍ ଟିମ୍ ତଦନ୍ତ ଆରମ୍ଭ କରୁଛି ।
Prasanta Patnaik