ବିବାହ ପାଇଁ ରାଜି କରାଇବାକୁ ନିଜ ଦେହରେ ପେଟ୍ରୋଲ ଢ଼ାଳିଲେ ଯୁବକ, ଏହା ଦେଖି ଜଳୁଥିବା ଦିଆସିଲ କାଠି ପକାଇଦେଲେ ନାବାଳିକା, ତା’ ପରେ…

ପୁଲିସ ଦେଇଥିବା ସୂଚନା ମୁତାବକ, ପୀଡ଼ିତ ଅରବିନ୍ଦ ନିଜ ପଡ଼ୋଶୀ ଘରେ ରହୁଥିବା ନାବାଳିକାକୁ ବିବାହ କରିବାର ଜିଦ୍‌ ଧରି ବସିଥିଲେ । କିନ୍ତୁ ନାବାଳିକାଙ୍କ ପରିବାର ଲୋକେ ଝିଅକୁ ୧୮ବର୍ଷ ହେଲେ ଯାଇ ବିବାହ କରାଇବେ ବୋଲି କହିଥିଲେ । ଏପ୍ରିଲ ୨୦ରେ ନାବାଳିକା ନିଜ ମା’ଙ୍କ ସହ ପୀଡ଼ିତଙ୍କ ଘରକୁ ଆସିଥିବା ବେଳେ ପୀଡ଼ିତ ବିବାହ କଥା ଉଠାଇଥିଲେ । ଯାହା ପରେ ୩ଜଣଙ୍କ ମଧ୍ୟରେ ବଚସା ଆରମ୍ଭ ହୋଇ ଯାଇଥିଲା । ଏହା ପରେ ପୀଡ଼ିତ ନିଜ ଉପରେ ପେଟ୍ରୋଲ ଢ଼ାଳି ଆତ୍ମହତ୍ୟାର ଧମକ ଦେଇଥିଲେ । ତାଙ୍କୁ ରୋକିବା ପରିବର୍ତ୍ତେ ନାବାଳିକାଜଣଙ୍କ ପୀଡ଼ିତଙ୍କ ଉପରକୁ ଦିଆସିଲ କାଠି ଫିଙ୍ଗି ସେଠାରୁ ଚାଲି ଆସିଥିଲେ । ପରେ ଯୁବକଙ୍କ ଚିତ୍କାର ଶୁଣି ପଡ଼ୋଶୀ ଲୋକ ଆସି ତାଙ୍କୁ ଡ଼ାକ୍ତରଖାନାରେ ବର୍ତ୍ତି କରାଇଥିଲେ ।.