ନୂଆଦିଲ୍ଲୀ : ଗତ ରବିବାର ନିର୍ବାଚନ କମିସନର ସୁନୀଲ ଆରୋରା ନିର୍ବାଚନ ଆରମ୍ଭ ହେବାର ତାରିଖ ସହ ଶେଷ ହେବାର ତାରିଖ ଏବଂ ଫଳାଫଳ ଘୋଷଣା ହେବାର ତାରିଖକୁ ନେଇ ଘୋଷଣା କରିଥିଲେ । ଯାହା ପରେ ସବୁ ରାଜନୈତିକ ଦଳ ପ୍ରାର୍ଥୀ ଚୟନ କରିବାରେ ଲାଗି ପଡ଼ିଛନ୍ତି । ଏ ମଧ୍ୟରେ ଗତ ନିର୍ବାଚନ ଭଳି କିଛି ନେତା ଦଳ ବଦଳ କରୁଥିବା ଦେଖା ଯାଇଛି । ଗୁରୁବାର କଂଗ୍ରେସ ଏବଂ ତୃଣମୂଳ କଂଗ୍ରେସର ଦୁଇ ପ୍ରମୂଖ ନେତା ଦଳ ବଦଳାଇ ବିଜେପିରେ ଯୋଗ ଦେଇଥିବା ଜଣା ପଡ଼ିଛି । କଂଗ୍ରେସର ମୁଖ୍ୟ ନେତା ଭାବେ ଜଣା ଯାଉଥିବା ଟମ୍ ବଡକ୍କନ୍ ଏବଂ ତୃଣମୂଳ କଂଗ୍ରେସର ବିଧାୟକ ଅର୍ଜୁନ ସିଂହ ଗୁରୁବାର ବିଜେପିରେ ଯୋଗ ଦେଇଥିବା ସ୍ପଷ୍ଟ କରିଛି ବିଜେପି ।
ANI✔@ANI
Delhi: Congress leader Tom Vadakkan joins Bharatiya Janata Party in presence of Union Minister Ravi Shankar Prasad.
ଅନ୍ୟ ପକ୍ଷରେ, ପୁଲଓ୍ଵାମା ଆକ୍ରମଣକୁ ନେଇ କଂଗ୍ରେସ ଦଳ ଯେଉଁ ଭଳି ଭାବେ ପ୍ରତିକ୍ରିୟା ରଖିଥିଲା, ସେଥିରେ ନିରାଶ ହୋଇ ବଡକ୍କନ୍ ଦଳ ଛାଡ଼ିଥିବା କହିଛନ୍ତି । ତାଙ୍କ କହିବା ଅନୁଯାୟୀ, ଆକ୍ରମଣ ପରେ ଭାରତୀୟ ବାୟୁସେନା ଜବାବ ଦେବାକୁ ଯାଇ ଏୟାର ଷ୍ଟ୍ରାଇକ୍ କରିବା ପରେ ମଧ୍ୟ କଂଗ୍ରେସ ଦଳ ସେନାର କାର୍ଯ୍ୟଦକ୍ଷତା ଉପରେ ପ୍ରଶ୍ନ ଉଠାଇଥିଲା । ଯାହାକୁ ଦେଖି ମୋ ହୃଦୟ ଭାଙ୍ଗି ଯିବା ସହ ମୁଁ ଦଳ ବଦଳାଇବା ପାଇଁ ଚିନ୍ତା କରିଥିଲି । ବୋଲି କହିଛନ୍ତି ବଡକ୍କନ ।
Prasanta Patnaik