ଆସିକା, ୧ ଜାନୁଆରୀ : ନୂଆବର୍ଷ ପୂର୍ବ ରାତି। ଜିରୋ ନାଇଟ୍ ପାଇଁ ଚଳଚଞ୍ଚଳ ଥିଲା ରାସ୍ତାଘାଟ। ଅପରାଧର ଅମରାବତୀ ଆସିକା ସହରରେ ଅପରାଧୀ ଚଳାଇଲେ ଗୁଳି। ରକ୍ତର˚ଜିତ ହୋଇଛି ଗଞ୍ଜାମ ଜିଲ୍ଲାର କ୍ରାଇମସିଟି ଦୁର୍ନାମ ମୁଣ୍ତାଇଥିବା ଆସିକା ସହର। ଆଜି ରାତି ପ୍ରାୟ ସାଢେ ୧୦ଟାରେ ସହର ମୁଖ୍ୟ ରାସ୍ତା କଲେଜ ଛକ ଡି’ପଲ୍ ସ୍କୁଲ ନିକଟରେ ବିଜେଡି ନେତା ସଦାନନ୍ଦ ଲେଙ୍କା(୫୦)ଓରଫ୍ ବାହାନଙ୍କୁ ଗୁଳି କରି ନିର୍ମମ ହତ୍ୟା ଘଟଣା ଚାଞ୍ଚଲ୍ୟ ସୃଷ୍ଟି କରିଛି। ସଦାନନ୍ଦ ହେଉଛନ୍ତି ଖାରିଆ ପଞ୍ଚାୟତ ସରପଞ୍ଚ ଅରବିନ୍ଦ ଲେଙ୍କାଙ୍କ ବଡ଼ଭାଇ ଓ ବରିଷ୍ଠ ବିଜେଡି ନେତା। ପୂର୍ବବିବାଦରୁ ଏହି ହତ୍ୟାକାଣ୍ତ ସ˚ଘଟିତ ହୋଇଥିବା ଅନୁମାନ କରାଯାଉଥିବା ବେଳେ ଆସିକା ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ଆଜି ରାତି ପ୍ରାୟ ସାଢେ ୧୦ଟା ବେଳେ ସଦାନନ୍ଦ କଲେଜ ଛକ ସ୍ଥିତ ନିଜ ଘରକୁ ବାଇକରେ ନିଜର ଜଣେ ସହଯୋଗୀଙ୍କ ସହ ଯାଉଥିଲେ। ସଦାନନ୍ଦ ବାଇକ ପଛରେ ବସିଥିଲେ। ଏହି ସମୟରେ ଗୋଟିଏ ବାଇକରେ କିଛି ଦୁର୍ବୃତ୍ତ ଡିପଲ୍ ସ୍କୁଲ ଛକ ନିକଟରେ ତାଙ୍କ ମୁଣ୍ଡକୁ ଲକ୍ଷ୍ୟ କରି ଏକାଧିକ ଗୁଳିମାଡ଼ କରିଥିଲେ। ଘଟଣାସ୍ଥଳରେ ହିଁ ସଦାନନ୍ଦଙ୍କ ମୃତ୍ୟୁ ହୋଇଥିଲା।