ବିଚ୍‌ ରାସ୍ତା ଉପରେ ଯୁବକଙ୍କୁ ହତ୍ୟା

ଖୋର୍ଦ୍ଧା ଦେଉଳି ଗାଁ ନୂଆସାହିର ଚିନ୍ମୟ ବାଇକରେ ଘରକୁ ଫେରୁଥିବାବେଳେ ତାଙ୍କୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିଲା । ଫଳରେ ଚିନ୍ମୟ ଘଟଣା ସ୍ଥଳରେ ପ୍ରାଣ ହରାଇଥିଲେ । ଗାଁ ଦାଣ୍ଡରେ ଚିନ୍ମୟ ସାହୁଙ୍କ ମୃତଦେହ ଓ ଧାରୁଆ ଅସ୍ତ୍ର ପଡ଼ି ରହିଛି । ପରକୀୟା ପ୍ରୀତିରୁ ଚିନ୍ମୟଙ୍କୁ ହତ୍ୟା କରାଯାଇଥିବା ସନ୍ଦେହରେ ଅନ୍ୟଜଣଙ୍କ ଘରେ ପଶି ଗାଁ ଲୋକେ ଭଙ୍ଗାରୁଜା କରିବା ସହିତ ଘର ଜାଳି ଦେଇଛନ୍ତି । ଚିନ୍ମୟଙ୍କର ଆସନ୍ତା ୨୧ ତାରିଖରେ ବାହାଘର ହେବାର ଥିଲା ବୋଲି ଜଣାପଡ଼ିଛି । ବେଗୁନିଆ ଥାନା ପୋଲିସ ଘଟଣା ସ୍ଥଳରେ ପହଁଚି ମୃତ ଦେହକୁ ଜବତ କରିବା ସହିତ ଖୋଳତାଡ଼ ଆରମ୍ଭ କରିଛି । ଘଟଣାକୁ ନେଇ ଦେଉଳି ଗାଁରେ ଚାପା ଉତ୍ତେଜନା ଲାଗି ରହିଛି ।