ବଳାତ୍କାର ମାମଲାରେ ଆଜୀବନ କାରାଦଣ୍ଡ ଆଦେଶ, ୧୬ବର୍ଷୀୟ ବାଳକକୁ ପ୍ରାପ୍ତ ବୟସ୍କ ଭାବେ ଗ୍ରହଣ କଲା କୋର୍ଟ

 କୋଲକାତା କୋର୍ଟ କାଲି ଜଣେ ବାଳକ ଏବଂ ଅନ୍ୟ ଜଣେ ବ୍ୟକ୍ତିକୁ ଏକ ୧୨ ବର୍ଷୀୟ ବାଳିକାକୁ ବଳାତ୍କାର କରିବା ମାମଲାରେ ଆଜୀବନ କାରାଦଣ୍ଡର ଆଦେଶ ଦେଇଛନ୍ତି । ଅଦାଲତ ଅପରାଧୀର ଜଘନ୍ୟ ପ୍ରକୃତିକୁ ଦେଖି ଏହି ଦଣ୍ଡାଦେଶ ଦେଇଥିବାର ସୂଚନା ମିଳିଛି ।

ପୀଡିତାର ମା ଦ୍ୱାରା ହୋଇଥିବା ଅଭିଯୋଗ ମୁତାବକ, ସଂପୃକ୍ତ ବାଳିକାକୁ ୨୦୧୭ ଡିସେମ୍ବର ୧୬ ସନ୍ଧ୍ୟାରେ ଅପହରଣ କରି ଏହି ଦୁଇ ଜଣ ବଳାତ୍କାର କରିଥିଲେ । ସେଠାକାର ସିୟାଲଦହ ଅଦାଲତର ନ୍ୟାୟାଧୀଶ ଜିମୁତ ବହାନ ବିଶ୍ୱାସ ସାମୂହିକ ବଳାତ୍କାର ଏବଂ ପୋକ୍ସୋ ଆଇନି ଆଧାରରେ ଅଭିଯୁକ୍ତମାନଙ୍କୁ ଆଜୀବନ କାରାଦଣ୍ଡ ଶୁଣାଇଥିଲେ ।