ବଲାଙ୍ଗିର: ସୋସିଆଲ ମିଡିଆରେ ଅସଜଂତ ଭିଡିଓ ପ୍ରସାରଣକୁ ରୋକିବା ପାଇଁ ଓଡ଼ିଶା କ୍ରାଇମ ବ୍ରାଞ୍ଚ ପ୍ରଚେଷ୍ଟା ଚଳାଇଥିଲେ ମଧ୍ୟ ଅଭିଯୁକ୍ତଙ୍କ ଉପରେ ଏହାର ବିଶେଷ ପ୍ରଭାବ ପଡୁ ନଥିବା ଜଣାପଡୁଛି । ପୂର୍ବରୁ ଓଡ଼ିଶାରେ ଅନକେ କଲେଜ ପଡୁଆ ଝିଅଙ୍କ ଅସଞ୍ଜତ ଭିଡ଼ିଓ ସୋସିଆଲ ମିଡିଆରେ ଭାଇରାଲ ହୋଇଛି । ସେହିପର ଆଜି ବଲାଙ୍ଗିରର ଜଣେ କଲେଜ ପଢୁଆ ଝିଅର ଅସଞ୍ଜତ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।
ଏହି ଭିଡିଓରେ ଝିଅଟି ଏକ କଲେଜ ଡ୍ରେସ କୋଡରେ ଦେଖିବାକୁ ମିଳୁଥିବା ବେଳେ ଏହି ଘଟଣାଟି ବଲାଙ୍ଗିର ଜିଲ୍ଲା ତୁସୁରା ଥାନା ଅଞ୍ଚଳର ବୋଲି ଅନୁମାନ କରାଯାଉଛି । ଝିଅ ଜଣଙ୍କ ସହିତ ଜଣେ ଯୁବକ ପ୍ରେମ ସମ୍ପର୍କ ରଖି ତାଙ୍କ ସହ ଶାରୀରିକ ସମ୍ପର୍କ ରଖିଥିବା ସନେ୍ଦହ କରାଯାଉଛି କିନ୍ତୁ ଏଥିରେ ଝିଅର ସହମତି ରହିଛି ନା ନାହିଁ ତାହା ତଦନ୍ତ ପରେ ଜଣାପଡିବ । ହେଲେ ଭିଡିଓ ସୁଟିଂ କରିବା ସମୟରେ ଝିଅ ଜଣଙ୍କ ଜ୍ଞାତ ଥିଲେ ନା ନାହିଁ ତାହା ମଧ୍ୟ ଭିଡିଓରୁ ଜଣାପଡୁନାହିଁ ।
ଏ ସମ୍ପର୍କରେ ବାଳିକାଙ୍କ ପକ୍ଷରୁ ଥାନାରେ କୌଣସି ମାମଲା ଦାୟର କରାଯାଇ ନଥିବା ବେଳେ ତୁସୁରା ଥାନା ପୋଲିସ୍ ନିଜ ଆଡୁ ତଦନ୍ତ ଜାରି ରଖି ଝିଅର ପରିବାର ଲୋକଙ୍କ ସହିତ ଆଲୋଚନା କରିଛି । ଅଭିଯୁକ୍ତକୁ ଖୁବ ଶୀଘ୍ର ଧରାଯିବ ବୋଲି ତୁସୁରା ଏସପି କେ ଶିବ ସୁବ୍ରମଣି ସୂଚନା ଦେଇଛନ୍ତି ।
Prasanta Patnaik