ଭୁବନେଶ୍ବର, ଫେବୃଆରୀ ୦୨ : ବରିଷ୍ଠ ଆଇପିଏସ୍ ଅଧିକାରୀ ସତ୍ୟଜିତ୍ ମହାନ୍ତିଙ୍କୁ ରାଜ୍ୟପାଳ ପ୍ରଫେସର ଗଣେଶ ଲାଲଙ୍କ ଦ୍ୱାରା ଓଡିଶା ଜନସେବା ଆୟୋଗ (ଓପିଏସସି)ର ଚେୟାରମ୍ୟାନ୍ ଭାବରେ ନିଯୁକ୍ତ କରାଯାଇଛି।
ସେ ବର୍ତ୍ତମାନ ଅଗ୍ନିଶମ ସେବାର ମହାନିର୍ଦ୍ଦେଶକ, ହୋମ ଗାର୍ଡର କମାଣ୍ଡାଣ୍ଟ ଜେନେରାଲ ତଥା ଓଡିଶାର ସିଭିଲ ଡିଫେନ୍ସ ନିର୍ଦ୍ଦେଶକ ଭାବରେ କାର୍ଯ୍ୟ କରୁଛନ୍ତି।
୬୨ ବର୍ଷ ବୟସ ପର୍ଯ୍ୟନ୍ତ ଓପିଏସସି ଅଧ୍ୟକ୍ଷ ପଦବୀରେ ରହିବେ ବୋଲି ସାଧାରଣ ପ୍ରଶାସନ ଏବଂ ଜନ ଅଭିଯୋଗ ବିଭାଗର ବିଜ୍ଞପ୍ତିରେ କୁହାଯାଇଛି।
ଉଲ୍ଲେଖଯୋଗ୍ୟ, ୧୯୮୮ ବ୍ୟାଚର ଆଇପିଏସ୍ ଅଧିକାରୀ ସତ୍ୟଜିତ ମହାନ୍ତି ପୂର୍ବରୁ ରାଜ୍ୟ ପୋଲିସ୍ ପ୍ରଶାସନରେ ବହୁ ଗୁରୁତ୍ୱପୂର୍ଣ୍ଣ ପଦବୀରେ କାର୍ଯ୍ୟ କରିଥିଲେ। ସେ କୋରାପୁଟ, ରାଉରକେଲା, କଟକ ଏବଂ ବାଲେଶ୍ବର ଜିଲ୍ଲାର ଏସପି ଭାବରେ କାର୍ଯ୍ୟ କରିଥିଲେ। ଏହା ବ୍ୟତୀତ ପୁରୀର ଅତିରିକ୍ତ ଏସପି ଭାବରେ କାର୍ଯ୍ୟ କରିଛନ୍ତି ।
ଜୁଲାଇ ୨୦୧୮ରେ ସେ କଟକ-ଭୁବନେଶ୍ୱର ପୋଲିସ କମିଶନରଙ୍କ ନୂତନ କମିଶନର ତଥା ଅଗ୍ନିଶମ ବିଭାଗର ଡିଜି ଦାୟିତ୍ୱ ଗ୍ରହଣ କରିବା ପୂର୍ବରୁ ଗୁଇନ୍ଦା ନିର୍ଦ୍ଦେଶକ ଭାବରେ ନିଯୁକ୍ତ ଥିଲେ।
Prasanta Patnaik