ଉମରକୋଟ : ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ନବରଙ୍ଗପୁର ଜିଲ୍ଲା ରାଇଘର ବ୍ଲକ ଜୋଡିଙ୍ଗା ପଞ୍ଚାୟତ ଅନ୍ତର୍ଗତ ବୋରଗାଁ ପ୍ରକଳ୍ପ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ରଞ୍ଜିତ କୁମାର ପାଣିଗ୍ରାହୀ ଗିରଫ ହୋଇଛନ୍ତି।
ଜାନୁଆରୀ ୭ ତାରିଖରେ ପ୍ରଧାନ ଶିକ୍ଷକ ରଞ୍ଜିତ କୁମାର ପାଣିଗ୍ରାହୀଙ୍କ ଘରେ ଭିଜିଲାନ୍ସ ପକ୍ଷରୁ ଚଢ଼ଉ କରାଯାଇଥିଲା। ରାଇଘର ସହର ମଧ୍ୟରେ ଥିବା ତାଙ୍କର ତିନି ଗୋଟି ବାସଭବନ , ଦୋକାନ ଗୃହ , ଗୋଦାମ ଗୃହ ଏବଂ ସ୍କୁଲରେ ଭିଜିଲାନ୍ସ ପକ୍ଷରୁ ଚଢ଼ଉ କରାଯାଇଥିଲା। ଚଢ଼ଉ ବେଳେ ତାଙ୍କର ୨ କୋଟି ୬୦ ଲକ୍ଷ ୬୭ ହଜାର ୨୨୩ ଟଙ୍କା ସମ୍ପତ୍ତି ଥିବା ଭିଜିଲାନ୍ସ ଆକଳନ କରିଥିଲା। ତେବେ ସେ ତାଙ୍କ ସମ୍ପୂର୍ଣ୍ଣ ସମ୍ପତ୍ତି ସମ୍ପର୍କରେ ସନ୍ତୋଷଜନକ ହିସାବ ଦେଇ ନ ପାରିବାରୁ ଗତକାଲି ଭିଜିଲାନ୍ସ ତାଙ୍କୁ ଗିରଫ କରି କୋର୍ଟଚାଲାଣ କରିଛି।
ଭିଜିଲାନ୍ସର ଏକ ୩୦ ଜଣିଆ ଦଳ ୫ଟି ଭାଗରେ ବିଭକ୍ତ ହୋଇ ଏହି ଚଢ଼ଉ କରିଥିଲେ। ତାଙ୍କର ଗୋଟିଏ ୩ ମହଲା କୋଠା ରହିଛି। ୨ଟି ୨ ମହଲା କୋଠା, ୬ଟି ପ୍ଲଟ, ୨ଟି ୪ ଚକିଆ ଗାଡି, ୨ଟି ବାଇକ, ୭୦ ଲକ୍ଷ ୪୬ ହଜାର ଟଙ୍କାର ବ୍ୟାଙ୍କ ଡିପୋଜିଟ୍ , ୨୦ଲକ୍ଷ ୩୧ ହଜାର ଟଙ୍କାର ଏଲ୍ଆଇସି ଡିପୋଜିଟ୍ ଏବଂ ୬ଲକ୍ଷ ଟଙ୍କାର ସୁନା ଅଳଙ୍କାର ଜବତ ହୋଇଛି।
Prasanta Patnaik