381 Views
ବାଲେଶ୍ୱର, ଡିସେମ୍ବର ୧: ବାଲେଶ୍ୱର ଭୋଗରାଇ ଅଂଚଳରେ ଜଣେ ବଙ୍ଗୀୟ ନାବାଳିକା ଗଣ ଦୁଷ୍କର୍ମର ଶୀକାର ହୋଇଥିବା ନେଇ ସଙ୍ଗୀନ ଅଭିଯୋଗ ହୋଇଛି । ପିଡ଼ୀତା ନାବାଳିକାର ଘର ପଶ୍ଟିମବଙ୍ଗର ରାମପୁରରେ ଅଂଚଳରେ ବୋଲି ଜଣାପଡ଼ିଛି । ନାବାଳିକାଟିର ଜଳେଶ୍ୱର ମେଡ଼ିକାଲରେ ଚିକିତ୍ସା ଚାଲିଛି ।
ପୀଡିତାଙ୍କ କହିବାନୁଯାୟୀ, ୫ ଜଣ ଯୁବକ ତାଙ୍କୁ ରାମ ନଗର ଅଂଚଳରୁ ପ୍ରଲୋଭନ ଦେଖାଇ ଅପହରଣ କରି ନେଇଆସିଥିଲେ । ଏହା ପରେ ତାଙ୍କୁ ନିଶା ବଟିକା ଖୁଆଇ ଦୁଷ୍କର୍ମ କରିଥିଲେ । ପରେ ତାକୁ ଭୋଗରାଇ ବ୍ଲକ୍ ରସୁଲପୁର ଗାଁ ନିକଟରେ ଫୋପାଡ଼ି ଚାଲି ଯାଇଥିଲା । ଆଜି ସକାଳୁ ତାଙ୍କୁ ରସୁଲପୁର ଗ୍ରାମବାସୀ ଉଦ୍ଧାର କରିଥିଲେ । ପ୍ରଥମେ ଭୋଗରାଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ପରେ ଜଳେଶ୍ୱର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ତାଙ୍କୁ ସ୍ଥାନାନ୍ତର କରାଯାଇଛି । ଏହି ଘଟଣାରେ ପୀଡିତାଙ୍କ ବୟାନକୁ ଆଧାର କରି ଭୋଗରାଇ ଥାନା ପୋଲିସ ଛାନଭିନ ଆରମ୍ଭ କରିଛି ।