ଫେବୃଆରୀ ୨୦ ରୁ ଆରମ୍ଭ ହେବ ବିଜୟ ହଜାରେ ଟ୍ରଫି

ନୂଆଦିଲ୍ଲୀ, ଫେବୃଆରୀ ୦୭ : ଚଳିତ ବର୍ଷ ଫେବୃଆରୀ ୨୦ ତାରିଖରୁ ଆରମ୍ଭ ହେବାକୁ ଯାଉଛି ବିଜୟ ହଜାରେ ଟ୍ରଫି ବୋଲି ବିସିସିଆଇ ପକ୍ଷରୁ ସୂଚନା ଦିଆଯାଇଛି । ତେବେ ଖେଳାଳି ମାନଙ୍କୁ ଫେବୃଆରୀ ୧୩ ତାରିଖରୁ ଆସି କ୍ୱାରେଣ୍ଟିନରେ ରହିବାକୁ ନିର୍ଦ୍ଦେଶ ଦିଆଯାଇଛି । ବିସିସିଆଇ ପକ୍ଷରୁ ଏହି ଟୁର୍ଣ୍ଣାମେଣ୍ଟ ନିମନ୍ତେ ଛଅ ଗୋଟି ଭେନ୍ୟୁରେ ଖେଳାଯିବ ବୋଲି ନିଷ୍ପତ୍ତି ନିଆଯାଇଛି । ସେହି ସ୍ଥାନ ଗୁଡିକ ହେଉଛି ସୁରତ, ତାମିଲନାଡୁ, ଇନ୍ଦୋର, ବାଙ୍ଗଲୋର, କୋଲକାତା ଏବଂ ଜୟପୁର । ଏହି ନିମନ୍ତେ ବିସିସିଆଇ ପକ୍ଷରୁ ଦଳଗୁଡିକୁ ପାଂଚୋଟି ଗ୍ରୁପରେ ବିଭକ୍ତ କରାଯାଇଛି । ଏହା ସହ ନର୍ଥ ଇଷ୍ଟର ରାଜ୍ୟ ମାନଙ୍କୁ ନେଇ ଏକ ପ୍ଲେଟ ଗ୍ରୁପ କରାଯାଇଛି । ଏହି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ମାର୍ଚ୍ଚ ୧୪ ତାରିଖରେ ଖେଳାଯିବ ।