ପ୍ରଧାନମନ୍ତ୍ରୀ ମୋଦୀ ‘ମନ କି ବାତ୍‌’ଜରିଆରେ ଦେଶବାସୀଙ୍କୁ ସମ୍ବୋଧନ କରିବେ ଆଜି

ନୂଆଦିଲ୍ଲୀ, ଅକ୍ଟୋବର ୨୫ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜର ଲୋକପ୍ରିୟ ରେଡିଓ କାର୍ଯ୍ୟକ୍ରମ ‘ମନ କି ବାତ୍‌’ ଜରିଆରେ ଦେଶବାସୀଙ୍କୁ ସମ୍ବୋଧନ କରିବେ । ପ୍ରଧାନମନ୍ତ୍ରୀଙ୍କ ଏହି କାର୍ଯ୍ୟକ୍ରମ ଆକାଶବାଣୀରେ ପୂର୍ବାହ୍ନ ୧୧ଟାରେ ପ୍ରସାରଣ ହେବ । ସେ ଦେଶର ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ କହିବେ ।

ସୂଚନାଯୋଗ୍ୟ, ପ୍ରଧାନମନ୍ତ୍ରୀ ମୋଦୀ ମନ କି ବାତର ୭୦ତମ ସଂସ୍କରଣ ପାଇଁ ଗତ ୧୦ ତାରିଖରେ ଜନସାଧାରଣଙ୍କୁ ପରାମର୍ଶ ମାଗିଥିଲେ । ସେ ଦିନ ସେ କହିଥିଲେ ଚଳିତ ମାସର ରେଡିଓ କାର୍ଯ୍ୟକ୍ରମ ଅକ୍ଟୋବର ୨୫ରେ ହେବ । ମୋଦୀ ଟୁଇଟ କରି କହିଥିଲେ ଯେ, ନମୋ ଆପ, ମାଇଗର୍ଭ ଅଥବା ମୋବାଇଲ ମାଧ୍ୟମରେ ମ୍ୟାସେଜ କରିବାକୁ ସେ ଅପିଲ କରିଥିଲେ । ଅଲ ଇଣ୍ଡିଆ ରେଡିଓରେ ପ୍ରତିମାସର ଶେଷ ରବିବାର ମନ କି ବାତ ପ୍ରସାରଣ ହୋଇଆସୁଛି । ଏହି ଦିନ ପ୍ରଧାନମନ୍ତ୍ରୀ ଦେଶବାସୀଙ୍କୁ ସାଂପ୍ରତିକ ପ୍ରସଙ୍ଗରେ ସମ୍ବୋଧନ କରିଥାନ୍ତି ।