217 Views
ବାଲେଶ୍ୱର,ଫେବୃଆରୀ ୨୩ : ଭୁଆଁ ବୁଲାଇ ସୁନାଚେନ ଲୁଟ୍ । ପୋଲିସ ପରିଚୟ ଦେଇ ନର୍ସଙ୍କ ଠାରୁ ସୁନା ଚେନ ଲୁଟିନେଲେ ଦୁଇଜଣ ଲୁଟେରା । ଏଭଳି ଘଟଣା ସାମ୍ନାକୁ ଆସିଛି ବାଲେଶ୍ୱରରେ ।
ଆଜି ବାଲେଶ୍ୱର ଜିଲ୍ଳାର ଜଣେ ନର୍ସ ଟ୍ରେଜେରୀ ଛକରୁ ବସଷ୍ଟାଣ୍ଡ ଆସୁଥିବାବେଳେ ଲୁଟର ଶିକାର ହୋଇଛନ୍ତି । ନର୍ସ ଜଣକ ମେଡ଼ିକାଲ ଛକ ନିକଟରେ ପହଂଚିବା ମାତ୍ରେ ପୋଲିସ ପରିଚୟ ଦେଇ ଦୁଇ ଲୁଟେରା ପାଖକୁ ଆସିଥିଲେ । ଦାମୀ ଅଳଙ୍କାର କାହିଁକି ପିନ୍ଧିଛ ବୋଲି ପ୍ରଶ୍ନ କରିଥିଲେ । ଏହାସହ ଏସବୁକୁ ବାହାର କରି ବ୍ୟାଗରେ ରଖିବାକୁ କହିଥିଲେ । ଲୁଟେରାଙ୍କ ଫାସରେ ପଡି ନର୍ସ ନିଜ ବେକରୁ ସୁନା ଚେନ ବାହାର କରି ବ୍ୟାଗରେ ରଖିଦେଇଥିଲେ । ସେହି ସମୟରେ ଲୁଟେରାମାନେ ସୁନା ଚେନ୍ ଝାମ୍ପିନେଇ ଚମ୍ପଟ ମାରିଲେ । ଏନେଇ ନର୍ସ ଜଣକ ବାଲେଶ୍ୱର ଥାନାରେ ଅଭିଯୋଗ କରିବା ପରେ ପୋଲିସ ତନାଘନା ଆରମ୍ଭ କରିଛି ।