ପୂର୍ବତନ ମୁଖ୍ୟମନ୍ତ୍ରୀଙ୍କ ୯୨ତମ ଜୟନ୍ତୀ ପାଳିତ

ରାଉରକେଲା, ଜାନୁଆରୀ ୦୫ : ରାଉରକେଲା ଜିଲା କଂଗ୍ରେସ କାର୍ଯ୍ୟାଳୟ ଠାରେ ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ସ୍ୱର୍ଗତ ଜାନକୀ ବଲ୍ଲଭ ପଟ୍ଟନାୟକଙ୍କ ୯୨ତମ ଜୟନ୍ତୀ ପାଳିତ ହୋଇଯାଇଛି । ଏଥିରେ ଜିଲା କଂଗ୍ରେସ ସଭାପତି ରବି ରାୟ ଯୋଗ ଦେଇ ସ୍ୱର୍ଗତ ପଟ୍ଟନାୟକଙ୍କ ଫଟୋଚିତ୍ରରେ ଦୀପ ପ୍ରଜ୍ୱଳନ କରି ପୁଷ୍ପାଞ୍ଜଳି ଅର୍ପଣ କରିଥିଲେ ।

ସେ କହିଲେ ଯେ, ସ୍ୱର୍ଗତ ପଟ୍ଟନାୟକ ଜନମାନସରେ ଅବିସ୍ମରଣୀୟ ହୋଇ ରହିବେ । ସେ ଥିଲେ ଜଣେ ରାଷ୍ଟ୍ରପୁରୁଷ, ସୁସାହିତ୍ୟିକ ଓ ଧୂରୀଣ ରାଜନୀତିଜ୍ଞ । ସେହିପରି ଅନ୍ୟମାନଙ୍କ ମଧ୍ୟରେ କାର୍ଯ୍ୟକାରୀ ସଭାପତି ସବୀର ହୁସେନ, ଉପସଭାପତି ଅଜିତ ସାମଲ, ଘନଶ୍ୟାମ ସୁନା, ସାଧାରଣ ସମ୍ପାଦକ ରମେଶ ଗୁପ୍ତା, ଇନ୍ଦ୍ରମୋହନ ପଣ୍ଡା, ସମ୍ପାଦକ ପୁରୁଷୋତ୍ତମ ପାତ୍ର, ବ୍ଲକ୍ ସଭାପତି ଦୁଃଶା ନାଏକ, ଦିବାକର ଦୀପ, ସୌମ୍ୟ ନାୟକ ଓ ଅମିତ କୁମାର ପ୍ରମୁଖ ଉପସ୍ଥିତ ରହି ସ୍ୱର୍ଗତ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଶ୍ରଦ୍ଧାସୁମନ ଅର୍ପଣ କରିଥିଲେ ।