ପୂର୍ବତନ ବିଧାୟକଙ୍କ ପୁଅ ଗାଡି ଦୁର୍ଘଟଣାଗ୍ରସ୍ତ, ୧୦ ଫୁଟ ତଳକୁ ଖସିଲା କାର

ବାଲେଶ୍ବର, ଜାନୁଆରୀ ୦୨ : ଜଳେଶ୍ୱରର ପୂର୍ବତନ ବିଧାୟକ ତଥା ବିଜେପି ନେତା ଜୟ ନାରାୟଣ ମହାନ୍ତିଙ୍କ ପୁଅଙ୍କ କାର ଦୁର୍ଘଟଣାଗ୍ରସ୍ତ ହୋଇଛି । ବାଲିଆପାଳ ଥାନା ଇଡକୋ ଛକ ନିକଟରେ ସେ ପରିବାର ସହ ଯାଉଥିବାବେଳେ ଭାରସାମ୍ୟ ହରାଇ ନିର୍ମାଣଧୀନ ପୋଲରୁ ୧୦ ଫୁଟ ତଳକୁ କାର ଖସିପଡିଛି।

ଦୁର୍ଘଟଣାରେ ଜୟ ନାରାୟଣଙ୍କ ପୁଅ ଦିବ୍ୟକାମ ମହାନ୍ତିଙ୍କ ସମେତ ୩ ଜଣ ଗୁରୁତର ଆହତ ହୋଇଛନ୍ତି । ବାଲିଆପାଳ-ବସ୍ତା ମୁଖ୍ୟ ରାସ୍ତାର ଇଡକୋ ଛକ ନିକଟରେ ରାସ୍ତା ନିର୍ମାଣ କାର୍ଯ୍ୟ ଚାଲୁଥିବାରୁ ରାସ୍ତା ଖୋଳାଯାଇଛି । ବସ୍ତା ପଟୁ କାରଟି ଦ୍ରୁତ ଗତିରେ ଆସି ଭାରସାମ୍ୟ ହରାଇ ତଳକୁ ଖସି ପଡିଥିଲା । କାର ଭିତରୁ ୩ ଜଣ ଆହତଙ୍କୁ ସ୍ଥାନୀୟ ଲୋକେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଛନ୍ତି।