408 Views
ଚେନ୍ନାଇ: ରାସ୍ତା ମଝିରେ ମଦ ପିଉଥିବା ୪ ଯୁବକଙ୍କୁ ଜଣେ ପୁଲିସ୍ କର୍ମଚାରୀ ବାଧା ଦେଇ ଲହୁଲୁହାଣ ହୋଇଛନ୍ତି। ୪ ଜଣ ମଦ୍ୟପ ଯୁବକ ପୁଲିସ୍ କର୍ମଚାରୀଙ୍କୁ ମାଡ଼ ମାରିଥିବା ଜଣାପଡ଼ିଛି। ଏହି ଘଟଣାର ପୂରା ଦୃଶ୍ୟକୁ ଜଣେ ବ୍ୟକ୍ତି ମୋବାଇଲ୍ ଫୋନରେ ଉତ୍ତୋଳନ କରି ସୋଶାଲ୍ ମିଡିଆରେ ଛାଡ଼ିଛନ୍ତି। ଜୁନ୍ ୧୪ରେ ଏହି ଘଟଣା ଘଟିଥିଲା।
ଭିଡିଓ ଅନୁଯାୟୀ, ୪ ଜଣ ଯୁବକ ଜଣେ ପୁଲିସ୍ କନଷ୍ଟେବଲକୁ ରାସ୍ତା ମଝିରୁ ମାଡ଼ ମାରି ଡିଭାଇଡର୍ ଉପରକୁ ନେଇଥିଲେ। ସେଠାରେ ତାଙ୍କୁ ତଳେ ପକାଇ ମାଡ଼ ମାରିଥିଲେ। ଏପରି କି ତାଙ୍କ ୱାକି-ଟକି ମଧ୍ୟ ୪ ଜଣ ଯାକ ଯୁବକ ଛଡ଼ାଇ ନେଇଥିଲେ। ଏହି ସମୟରେ ପୁଲିସ୍ ଗାଡ଼ି ସେଠାରେ ପହଞ୍ଚି ଆକ୍ରମଣର ଶିକାର ହୋଇଥିବା କନେଷ୍ଟବଲଙ୍କୁ ଉଦ୍ଧାର କରିଥିଲା। ତେବେ ଯୁବକମାନେ ସେଠାରୁ ଫେରାର ହୋଇଯାଇଥିଲେ।
ପରବର୍ତ୍ତୀ ଅବସ୍ଥାରେ ପୁଲିସ୍ ସଂପୃକ୍ତ ବ୍ୟକ୍ତିଙ୍କୁ ଗିରଫ କରିଥିଲା।