ପୁଣି ଦୁଲୁକିଲା ରାଜଧାନୀ ରାଜରାସ୍ତା, ଆରମ୍ଭ ହେଲା ପଥୋତ୍ସବ

ଆଜି ସକାଳ ୬ଟାରୁ ମାଷ୍ଟର କ୍ୟାଂଟିନ ଠାରୁ ରାମମନ୍ଦିର ପର୍ଯ୍ୟନ୍ତ ନାଚଗୀତର ଆସର ବେଶ ଜମିଥିଲା । ଶୀତୁଆ ସକାଳରେ ସାଇକେଲିଂ, ସ୍କେଟିଙ୍ଗ ଇତ୍ୟାଦି ସହ ମନୋରଂଜନ କାର୍ଯ୍ୟକ୍ରମକୁ ମନଭରି ଉପଭୋଗ କରିଥିଲେ ଦର୍ଶକ । ଭୁବନେଶ୍ୱରରେ ପୁରୁଷ ବିଶ୍ୱ କପ ହକି ଚାଲିଥିବାବେଳେ ହକିପ୍ରେମୀଙ୍କ ମନୋରଂଜନ ପାଇଁ ପଥୋତ୍ସବ ଆରମ୍ଭ ହୋଇଛି ।

ସେହିପରି ଗଂଜାମ ଜିଲ୍ଲା ଆସିକାରେ ପ୍ରଥମ ଥର ପାଇଁ ପଥୋତ୍ସବ ଆରମ୍ଭ ହୋଇଛି । ଏନ୍‌ଏସି ପକ୍ଷରୁ ଆୟୋଜନ କରାଯାଇଛି । ଏକ ବିରାଟ ପଟୁଆରରେ ପଥୋତ୍ସବର ପ୍ରଚାର ଓ ପ୍ରସାର କରାଯାଇଥିଲା । ଏଥିରେ ବିଭିନ୍ନ ସାଂସ୍କୁତିକ କାର୍ଯ୍ୟକ୍ରମ ସହ ପ୍ରତିଯୋଗିତା କରାଯାଇଥିଲା । ଏହାକୁ ଦେଖିବାକୁ ଶତାଧିକ ଲୋକଙ୍କ ଭିଡ଼ ଜମିଥିଲା ।