ପିପିଲିରେ କାର-ବାଇକ ଧକ୍କା, ୬ ମୃତ

ପୁରୀ, ଅକ୍ଟୋବର ୨୦:ଗତକାଲି ରାତିରେ ପିପିଲି ଉତରା ଛକ ସିଫା ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। କାର ଓ ବାଇକ ଧକ୍କା ହେବା ଫଳରେ ୬ ଜଣଙ୍କର ମୃତ୍ୟୁ ହୋଇଛି। ଦୁଇଜଣ ବାଇକ ଆରୋହୀଙ୍କ ସହ କାରରେ ଥିବା ଚାରିଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଦୁଇ ବାଇକ ଆରୋହୀ ଲଖ୍ମୀନାରାୟଣପୁରର ଦମ୍ପତି ହରିହର ପ୍ରଧାନ ଓ ଲଖ୍ମୀପ୍ରିୟା ପ୍ରଧାନ ହୋଇଥିବା ଜଣାପଡିଛି । ସେହିପରି କାରର ଡ୍ରାଇଭର ଅନିରୁଦ୍ଧ ବାରିକଙ୍କ ସମେତ ଗୀତାଂଜଳି ଦାସ ତାଙ୍କ ଶାଶୁ ଓ ତାଙ୍କର ୨ ବର୍ଷର ଝିଅର ମୃତ୍ୟୁ ହୋଇଛି । ଗତକାଲି ବିଳମ୍ବିତ ରାତିରେ କାରଟି ପୁରୀରୁ ଭୁବନେଶ୍ୱର ଆସୁଥିବାବେଳେ ବାଇକ ସହ ଧକ୍କା ହୋଇଥିଲା । ଧକ୍କା ହେବା ପରେ କାରଟି ନିକଟସ୍ଥ କେନାଲରେ ଓଲଟି ପଡିଥିଲା । ତେବେ ଘଟଣା ପରେ ପୋଲିସ ପହଂଚି ପ୍ରାଥମିକ ତଦନ୍ତ ଆରମ୍ଭ କରିଛି ।