ପିଏନବି କୁ ନା, କିନ୍ତୁ ବିଦେଶୀ ବ୍ୟାଙ୍କର ଋଣ ସୁଝିବାକୁ ରାଜି ହେଲେ ନୀରବ ମୋଦୀ

ଆମେରିକାର ଏଚଏସବିସି ବ୍ୟାଙ୍କ ଏବଂ ଇସ୍ରାଏଲ ଡିସକାଉଂଟ୍ ବ୍ୟାଙ୍କରୁ ନୀରବଙ୍କ କମ୍ପାନୀ ନେଇଥିବା ଲୋନ ସୁଝିବା ପାଇଁ ରାଜି ହୋଇଯାଇଛି ।  ଏହି ଦୁଇ ବ୍ୟାଙ୍କକୁ ନ୍ୟୁୟର୍କ କୋର୍ଟ ବେକୟା ଅର୍ଥ ଆଦାୟ କରିବା ପାଇଁ ଅନୁମତି ଦେଇଥିଲା ।

ଗୋଟିଏ ଦିଗରେ ପିଏନବି ନୀରବଙ୍କୁ ଟଙ୍କା ଆଦାୟ କରିବାରେ ବିଫଳ ହୋଇଛି । କିନ୍ତୁ ବିଦେଶୀ ବ୍ୟାଙ୍କକୁ ସଫଳତା ମିଳିଛି । ନ୍ୟୁୟର୍କ ଆଇଡିବି ବ୍ୟାଙ୍କ ନୀରବଙ୍କ ତିନୋଟି କମ୍ପାନୀକୁ ୨୦ ଲକ୍ଷ ଡଲାର ଲୋନ ଦେଇଥିଲା । ସେହିପରି ଏଚଏସବିସି ୨୦୦୮ରେ ୧କୋଟି ୬୦ ଲକ୍ଷ ଡଲାର ଲୋନ ଦେଇଥିଲା ।  ଏହି ଲୋନ୍ ନୀରବଙ୍କ ମୋଟ ସମ୍ପତିଠାରୁ ବହୁତ କମ ।

ସୂଚନାଯୋଗ୍ୟ କି, ନୀରବ ମୋଦୀ ପିଏନବିର ପ୍ରାୟ ୧୩ହଜାର କୋଟି ଟଙ୍କା ଘୋଟାଲାର ମୁଖ୍ୟ ଅଭିଯୁକ୍ତ । ନୀରବଙ୍କ ସହ ତାଙ୍କ ମାମୁ ମେହୁଲ ଚୋକସୀ ମଧ୍ୟ ଏହି ଘୋଟାଲାରେ ସମ୍ପୃକ୍ତ ।