ଆସାନସୋଲ : ଚତୁର୍ଥ ପର୍ଯ୍ୟାୟ ମତଦାନ ଆରମ୍ଭ ହେଉ ହେଉ ପଶ୍ଚିମବଙ୍ଗର ଆସାନସୋଲରେ ନିର୍ବାଚନୀ ହିଂସା ଦେଖା ଯାଇଛି । ପୋଲିଂ ବୁଥ୍ ନମ୍ବର ୧୨୫,୧୨୯,୨୨୨, ୨୨୬ ଏବଂ ୧୯୯ରେ ହିଂସା ଦେଖା ଯାଇଥିବା ବେଳେ ବୁଥ୍ ନମ୍ବର ୧୯୯ରେ ବିଜେପି ସାଂସଦ ପ୍ରାର୍ଥୀ ଥିବା ବାବୁଲ ସୁପ୍ରିୟୋଙ୍କ ଗାଡ଼ିକୁ ଆକ୍ରମଣ କରାଯାଇଥିବା ନେଇ ସୂଚନା ମିଳିଛି । ପୋଲିଂ ବୁଥ୍ରେ କୌଣସି ବିଜେପି ଏଜେଣ୍ଟ ନଥିବାରୁ ତୃଣମୂଳ କଂଗ୍ରେସ ଏବଂ ପୋଲିଂ ବୁଥ୍ର ସୁରକ୍ଷାକର୍ମୀଙ୍କ ମଧ୍ୟ ପାଟିତୁଣ୍ଡ ଆରମ୍ଭ ହୋଇ ଯାଇଥିଲା । ଏହା ପରେ ପରେ ରାଗରେ ସାଂସଦ ପ୍ରାର୍ଥୀ ଥିବା ବାବୁଲ ସୁପ୍ରିୟୋଙ୍କ ଗାଡ଼ିକୁ ଆକ୍ରମଣ କରାଯାଇଥିଲା, ଯାହାର ଭିଡିଓ ମଧ୍ୟ ସାମ୍ନାକୁ ଆସି ଯାଇଛି ।
#WATCH Clash between TMC workers and security personnel at polling booth number 199 in Asansol. A TMC polling agent said, ‘no BJP polling agent was present at the booth.’ BJP MP candidate from Asansol, Babul Supriyo’s car was also vandalised outside the polling station.
ଅନ୍ୟ ପକ୍ଷରେ, ବୁଥ୍ ନମ୍ବର ୨୨୨ ଏବଂ ୨୨୬ରେ ସେଣ୍ଟ୍ରାଲ ଫୋର୍ସଙ୍କ ଅନୁପସ୍ଥିତି ପାଇଁ ମତଦାନ କରିବାକୁ ଆସିଥିବା ଲୋକେ ଭୋଟ୍ ଦେବା ପାଇଁ ମନା କରି ଦେଇଛନ୍ତି । ମତଦାତାମାନେ ମତଦାନ ପାଇଁ ମନା କରିବା ସହ ଆନ୍ଦୋଳନ ଜାରି ରଖିଥିବାରୁ ଏହି ଦୁଇଟି ବୁଥ୍ରେ ମତଦାନକୁ ବନ୍ଦ କରି ଦିଆ ଯାଇଛି । ଏହାପରେ ମତଦାତାଙ୍କୁ ଘଉଡାଇବା ଲାଗି ପୁଲିସ ପକ୍ଷରୁ ଲାଠିଚାର୍ଜ କରାଯାଇଥିବା ସୂଚନା ରହିଛି।
#WATCH Clash between TMC workers and QRF and security personnel outside polling booth number 125-129 in Asansol, after disagreement erupted between BJP & CPI(M) workers after TMC workers insisted on polling despite absence of central forces. #WestBengal
Prasanta Patnaik