ପରିଚାଳନା କମିଟି ବୈଠକରେ ଆଗତ ହେଲା ଶ୍ରୀମନ୍ଦିରର ବାର୍ଷିକ ବଜେଟ୍‌, ବ୍ୟୟ ଅଟକଳ ୧୦୨କୋଟି

ପୁରୀ : ଆଜି ପୁରୀ ଶ୍ରୀମନ୍ଦିର ପରିଚାଳନା କମିଟି ତରଫରୁ ବୈଠକ ଡ଼କାଯାଇ ୨୦୧୯-୨୦ମସିହା ପାଇଁ ବଜେଟ୍‌ ଉପସ୍ଥାପିତ କରାଯାଇଛି । ପୁରୀର ଗଜପତି ମହାରାଜା ଦିବ୍ୟସିଂହ ଦେବ ଆଜି ଏହି ବଜେଟ୍‌ ଉପସ୍ଥାପିତ କରିଛନ୍ତି । ଏହି ବୈଠକରେ ଗଜପତି ମହାରାଜା ଶ୍ରୀମନ୍ଦିର ପାଇଁ ସର୍ବମୋଟ ୧୦୨କୋଟି ଟଙ୍କାର ବଜେଟ୍‌ ଉପସ୍ଥାପିତ କରିଥିବା ଜଣା ପଡ଼ିଛି । ସେ ମଧ୍ୟରେ ଶ୍ରୀମନ୍ଦିର ପାଇଁ ୭୮କୋଟି ଟଙ୍କାର ବ୍ୟୟ ଅଟକଳ କରାଯାଇଥିବା ବେଳେ ଦାନ ଅର୍ଥ ବଢ଼ାଇବା ପାଇଁ ବଜେଟ୍‌ରେ ନିଷ୍ପତ୍ତି ନିଆ ଯାଇଛି ।