ପଦ୍ମଶ୍ରୀ ଡି.ପ୍ରକାଶ ରାଓଙ୍କ ଏକାଦଶାହରେ ଶ୍ରଦ୍ଧାଞ୍ଜଳି ଅର୍ପଣ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

କଟକ, ଜାନୁଆରୀ ୨୩ : ଆଜି ପଦ୍ମଶ୍ରୀ ଡି.ପ୍ରକାଶ ରାଓ ବା କଟକର ପ୍ରଖ୍ୟାତ ଚାଏୱାଲା, ବିଶିଷ୍ଟ ସମାଜସେବୀ ପ୍ରକାଶ ରାଓଙ୍କ ଏକାହଶାହ । ନିଜ ସୀମିତ ବ୍ୟବସାୟରୁ ଟଙ୍କା ସଞ୍ଚୟ କରି ସମାଜସେବା କରି ସମସ୍ତଙ୍କ ପାଇଁ ଉଦାହରଣ ସାଜିବା ସହିତ ପୁରା ଓଡ଼ିଶା ପାଇଁ ଗୌରବ ଥିଲେ ସେ । ତାଙ୍କର ଏହି ମହତ କାର୍ଯ୍ୟ ପାଇଁ ତାଙ୍କୁ ପଦ୍ମଶ୍ରୀ ସମ୍ମାନରେ ମଧ୍ୟ ସମ୍ମାନୀତ କରାଯାଇଛି ।

ଗତ ଜାନୁଆରୀ ୧୩ ତାରଖରେ ଶେଷ ନିଶ୍ୱାସ ତ୍ୟାଗ କରିଥିଲେ ଡି.ପ୍ରକାଶ ରାଓ । ଆଜି ତାଙ୍କର ଏକାଦଶାହ ଉପଲକ୍ଷେ କେନ୍ଦ୍ରମନ୍ତ୍ରୀ ତାଙ୍କ କଟକ ସ୍ଥିତ ବାସଭବନ ଗସ୍ଥ କରି ସ୍ୱର୍ଗତ ପ୍ରକାଶ ରାଓଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବା ସହିତ ଶୋକଶନ୍ତପ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି ।