ନୋଏଡା ସୋସାଇଟି ମଧ୍ୟରେ ଗୁଳିକାଣ୍ଡ, ୨ ଜଣଙ୍କର ମୃତ୍ୟୁ

ନୋଏଡା, ସେପ୍ଟେମ୍ବର ୦୮  : ଗ୍ରେଟର ନୋଏଡା ୱେଷ୍ଟର ବିସରଖ ଅଂଚଳରେ ଥିବା ତହତ ଅଜନାରା ଲି ଗାର୍ଡେନ ସୋସାଇଟିରେ ରହୁଥିବା ୨ ଜଣଙ୍କୁ ଗୁଳି କରାଯାଇଛି । ସୋମବାର ବିଳମ୍ବିତ ରାତ୍ରିରେ ଅଜ୍ଞାତ ବ୍ୟକ୍ତିମାନେ ସୋସାଇଟି ଭିତରକୁ ପ୍ରବେଶ କରି ଏହି କାଣ୍ଡ କରିଥିବା ପୋଲିସ କହିଛି । ଉଚ୍ଚ ପୋଲିସ ଆୟୁକ୍ତ (ଆଇନ ବ୍ୟବସ୍ଥା) ଲଭ କୁମାର କହିଛନ୍ତି, ବିସରଖ ଥାନା ଅଂଚଳରେ ଅଜନାରା ଗାର୍ଡେନ ସୋସାଇଟିରେ ୨ ଜଣଙ୍କୁ ହତ୍ୟା କରାଯାଇଛି ।

ପୋଲିସ କହିବା ଅନୁସାରେ ସୋସାଇଟିରେ ରହୁଥିବା ବିରାଟ ଶର୍ମା ଓ ଅରୁଣ ତ୍ୟାଗୀ ସୋମବାର ବିଳମ୍ବିତ ରାତି ସୋସାଇଟି ଭିତରେ ଥିଲେ । ଏହି ସମୟରେ ଅଜ୍ଞାତ ବ୍ୟକ୍ତିମାନେ ଗୁଳିମାଡ଼ କରିଥିଲେ । ଏହି ଘଟଣାରେ ବିରାଟ ଓ ଅରୁଣର ମୃତ୍ୟୁ ହୋଇଥିଲା । ପୋଲିସ ତଦନ୍ତରୁ ଜାଣିବାକୁ ପାଇଛି ଯେ, ଜମି ଦଲାଲି ଯୋଗୁଁ ଉଭୟଙ୍କର ମୃତ୍ୟୁ ହୋଇଛି । ଘଟଣା ସେମାବାର ରାତି ୯ଟାରେ ହୋଇଥିବା କୁହାଯାଉଛି । ପୋଲିସ କହିବା ଅନୁସାରେ ଉଭୟ ମୃତକ ସୋସାଇଟି ଭିତରେ ଥିବା କାରରେ ବସିଥିଲେ ।