143 Views
ବାଲେଶ୍ୱର, ନଭେମ୍ବର ୧୪: ବୋଲ ମାନୁ ନାହାନ୍ତି ହାତୀପଲ । ପଡୋଶୀ ଝାଡଖଣ୍ଡରୁ ଆସି ୪୦ରୁ ଅଧିକ ହାତୀ ବାଲେଶ୍ୱର ଜିଲ୍ଲାରେ ଉପଦ୍ରବ ଚଳାଇଛନ୍ତି । ବ୍ୟାପକ ଫସଲ ନଷ୍ଟ ମଧ୍ୟ କରିଛନ୍ତି ।
ସୂଚନା ମୁତାବକ, ଗତକାଲି ଠାରୁ ବାଲେଶ୍ୱର ଗୋପାଳପୁର ଜଙ୍ଗଲରେ ୪୦ରୁ ଅଧିକ ହାତୀ ଆତଙ୍କ ଖେଳାଇଛନ୍ତି । ଏହି ପଲ ନୀଲଗିରି ଅଂଚଳରେ ବ୍ୟାପକ କ୍ଷୟକ୍ଷତି ଘଟାଇବା ସହ ଧାନ ଫସଲ ନଷ୍ଟ କରିଛନ୍ତି । ସେମାନେ ଜଙ୍ଗଲକୁ ଲାଗିଥିବା କିଛି ଗ୍ରାମ ନିକଟରେ ଉପଦ୍ରବ ଚଳାଇଛନ୍ତି । ଫଳରେ ଗ୍ରାମବାସୀ ଆତଙ୍କିତ ଅବସ୍ଥାରେ ରହିଛନ୍ତି । ଏନେଇ ବନ ବିଭାଗକୁ ଖବର ଦିଆ ଯିବା ପରେ ବନ କର୍ମଚାରୀ ଆସି ହାତୀ ଘଉଡାଇବା କାର୍ଯ୍ୟରେ ଲାଗିଛନ୍ତି ।
Prasanta Patnaik