ନିକିତା ମୃତ୍ୟୁ ମାମଲା: ଥାନାରେ ହାଜର ହେଲେନାହିଁ ଶାଶୁ ଏବଂ ଶ୍ୱଶୁର

ନିକିତାଙ୍କୁ ହତ୍ୟା କରାଯାଇଥିବା ଅଭିଯୋଗ ଆଧାରରେ ତାଙ୍କ ଶାଶୁଶ୍ୱଶୁରଙ୍କୁ ଜେରା ପାଇଁ ନୋଟିସ ଦିଆଯାଇଥିଲା । ବାରମ୍ବାର ନୋଟିସ ସତ୍ୱେ ସେମାନେ ହାଜର ନ ହେଉଥିବାରୁ ତାଙ୍କ ଘରେ ଲଟକା ଲଗାଯାଇଥିଲା ।  ନିକିତାଙ୍କ ଶାଶୁଶ୍ୱଶୁର ପୋଲିସ ଆଗରେ ହାଜର ହେଉନାହାଁନ୍ତି କିନ୍ତୁ ହାଇକୋର୍ଟରେ ଆଗୁଆ ଜାମିନ ଆବେଦନ କରିଛନ୍ତି ବୋଲି ସୂଚନା ମିଳିଛି । ପୋଲିସ ସେମାନଙ୍କୁ ଚାଉଳିଆଗଞ୍ଜ ଥାନାରେ ହାଜର ହେବାକୁ ସପ୍ତାହର ମହଲତ ଦେଇଛି ।

ଏହା ପୂର୍ବରୁ ନିକିତାଙ୍କ ମୃତ୍ୟୁକୁ ନେଇ ପୋଲିସ ତଦନ୍ତ ଚଳାଇବା ପରେ ଡିସିପି ଅଖିଳେଶ୍ୱର ସିଂହ ନିକିତା ମୃତ୍ୟୁରେ ସ୍ୱାମୀ ଲିପନଙ୍କୁ ଦାୟୀ କରିଥିଲେ । ପାରିପାର୍ଶ୍ଵିକ ସ୍ଥିତି ଓ ତଥ୍ୟ ପ୍ରମାଣ ଆଧାର ପରେ ନିକିତାଙ୍କ ମୃତ୍ୟୁ ପାଇଁ ସଂପୂର୍ଣ୍ଣ ଭାବରେ ଲିପନଙ୍କୁ ଦାୟୀ କରିଥିଲା ପୋଲିସ।