ନାବାଳିକାକୁ ଦୁଷ୍କର୍ମ ଅଭିଯୋଗରେ ଯୁବକ ଗିରଫ

ରାଉରକେଲା, ୪ ।୮ : ଜଣେ ନାବାଳିକାଙ୍କୁ ନିଜ ପ୍ରେମ ଜାଲରେ ଫସାଇ ଓ ତାକୁ ବିବାହର ପ୍ରଲୋଭନ ଦେଖାଇ ଦୁର୍ଷ୍କମ କରିବା ଅଭିଯୋଗରେ ପୁଲିସ୍ ଜଣେ ଯୁବକକୁ ଗିରଫ କରିଛି । ସେକ୍ଟର-୬ ମଧୁସୂଦନ ମାର୍କେଟ ନିକଟରେ ଥିବା ପାଗେଳି ଗଳିରେ ସଂପୃକ୍ତ ୧୭ ବର୍ଷୀୟା ନାବାଳିକା ରହନ୍ତି । ତାଙ୍କୁ ୧୧ ମାସ ତଳେ ହିମରପୁର ଅଞ୍ଚଳର ସୁରଜ କୁମାର ପଣ୍ଡିତ (୧୯) ନାମକ ଯୁବକ ପ୍ରେମ ଜାଲରେ ଫସାଇଥିଲା ।

ପରେ ଯୁବତୀଙ୍କୁ ବିବାହର ପ୍ରଲୋଭନ ଦେଖାଇବା ସହ ବିଭିନ୍ନ ଉପହାରମାନ ଦେଉଥିଲା । କାଳକ୍ରମେ ଅଭିଯୁକ୍ତ ଯୁବକ ପରିସ୍ଥିତିର ଫାଇଦା ଉଠାଇ ଯୁବତୀଙ୍କ ସହ ବାରମ୍ବାର ଶାରିରୀକ ସମ୍ପର୍କ ରଖିଥିଲା ।

ଫଳରେ ଯୁବତୀ ଜଣଙ୍କ ବିବାହ କରିବା ପାଇଁ ଜିଦ୍ ଧରିଥିଲା । ମାତ୍ର ଯୁବକ ଜଣକ ବିବାହ ପାଇଁ ରାଜି ନହୋଇ କେଉଁଆଡେ ଫେରାର ହୋଇଯାଇଥିଲା । ନାବାଳିକାଙ୍କ ପରିବାର ପକ୍ଷରୁ ଯୁବକଙ୍କ ନାମରେ ଦୁଷ୍କର୍ମ ଅଭିଯୋଗ ହେବା ପରେ ପୁଲିସ ଉକ୍ତ ଘଟଣାର ତଦନ୍ତ କରି ସୁରଜକୁ ଗିରଫ କରି଼ିଛି ।