ନନ୍ଦନକାନନରେ ଆନାକୋଣ୍ଡା ମଡ଼କ, ୩ ଦିନରେ ମଲେଣି ୨ଟି ଆନାକୋଣ୍ଡା

ଭୁବନେଶ୍ୱର: ନନ୍ଦନକାନନରେ ଆଖିବୁଜିଲା ଆଉ ଏକ ଆନାକୋଣ୍ଡା । ନନ୍ଦନକାନନ ପ୍ରାଣୀ ଉଦ୍ୟାନରେ ଆଜି ଏକ ଆନାକୋଣ୍ଡାର ମୃତ୍ୟୁ ଘଟିଛି । ତେବେ ଗତ ୩ ଦିନ ଭିତରେ ନନ୍ଦନକାନନରେ ୨ଟି ଆନାକୋଣ୍ଡା ଜୀବନ ହାରିଲେଣି । ଏବେ ଆଉ ୪ଟି ଅସୁସ୍ଥ ଆନାକୋଣ୍ଡା ଚିକିତ୍ସାଧୀନ ଥିବା ବେଳେ ୪ ଅସୁସ୍ଥ ଆନାକୋଣ୍ଡା ସମେତ ନନ୍ଦନକାନନରେ ମୋଟ ୬ଟି ଆନାକୋଣ୍ଡା ଅଛନ୍ତି ।ପର୍ଯ୍ୟଟକଙ୍କ ପାଇଁ ଅନ୍ୟତମ ଆକର୍ଷଣ କେନ୍ଦ୍ର ଭୁବନେଶ୍ୱରସ୍ଥିତ ନନ୍ଦନକାନନ ପ୍ରାଣୀ ଉଦ୍ୟାନରେ ଗତ ୩ ଦିନ ଭିତରେ ୨ଟି ଆନାକୋଣ୍ଡାର ମୃତ୍ୟୁ ଘଟିଲାଣି ।

ଏବେ ଜୀବିତ ୬ଟି ଆନାକୋଣ୍ଡା ମଧ୍ୟରୁ ୪ଟି ଆନାକୋଣ୍ଡା ଅସୁସ୍ଥ ଥିବା ବେଳେ ସେମାନଙ୍କର ଚିକିତ୍ସା ଜାରି ରହିଛି । ଏଠାରେ ସୂଚନା ଥାଉ କି ସୂଚନାଯୋଗ୍ୟ ନନ୍ଦନକାନନରେ ମୋଟ ଜୀବ ପ୍ରଜାତି ୧୫୭ରେ ପହଞ୍ଚିଛି। ପର୍ଯ୍ୟଟକମାନଙ୍କୁ ଆକୃଷ୍ଠ କରିବା ପାଇଁ ନନ୍ଦନକାନନ ପ୍ରାଣୀ ଉଦ୍ୟାନ କର୍ତ୍ତୃପକ୍ଷ ସବୁବେଳେ ଉଦ୍ୟମ କରୁଛନ୍ତି। ସେଥିପାଇଁ ବାହାର ରାଜ୍ୟରୁ ନୂଆ ନୂଆ ପ୍ରଜାତିର ଜୀବଜନ୍ତୁ ଆଣୁଛନ୍ତି।