ଦେଶୀମଦ ଜବତ, ୭ ଗିରଫ

ରାଉରକେଲା, ୧୧/୮ () : ରାଉରକେଲା ଅବକାରୀ ବିଭାଗ ପକ୍ଷରୁ ଓରାମପଡ଼ା ଓ ଜରେଇକେଲାର ବିଭିନ୍ନ ସ୍ଥାନରେ ଚଢ଼ଉ କରାଯାଇ ୫୮୭ ଲିଟର ଦେଶୀମଦ ସହ ୨୫୫୫ କେଜି ମହୁଲ ପୋଚ ଜବତ କରାଯାଇଛି । ଓରାମପଡାର ସଲିଲା ଓରାମ ଘରୁ ୨୫ ଲିଟର ଓ ୧୨୦ କେଜି ମହୁଲ ପୋଚ ଜବତ କରାଯାଇଛି ।

ବସ୍ତିର ରୀନା ଓରାମ ଘରୁ ୧୦ ଲିଟର, ସୁକା ଓରାମ ଘରୁ ୩୫ ଲିଟର ଚୋରା ଦେଶୀ ଓ ୧୨୦ କେଜି ମହୁଲ ପୋଚ, ଜୟ ଓରାମ ଘରୁ ୩୭ ଲିଟର ଚୋରା ଦେଶୀ ଓ ୧୪୦ କେଜି ମହୁଲ ପୋଚ ଜବତ କରାଯାଇଛି । ସେହିପରି ଜରେଇକେଲାର ପତରାପଲି ଗାଁର ଚିତୁସ ଭେଙ୍ଗ୍ରା, ଅମନ ଲୋହାର ଓ ତାରିଣୀ ଲୋହାର ଘରୁ ୧୮୦ ଚୋରା ଦେଶୀ ମଦ ଓ ୨୦୦ କେଜି ମହୁଲ ପୋଚ ଜବତ କରାଯାଇଛି ।

ଅନୁରୂପ ଭାବେ ପତରାପାଲି ଅଞ୍ଚଳରେ ୩୦୦ ଲିଟର ଚୋରା ଦେଶୀ ମଦ ଓ ୧୯୫୫ କେଜି ମହୁଲ ପୋଚ ନଷ୍ଟ କରିଦିଆଯାଇଛି । ଦେଶୀ ମଦ ପ୍ରସ୍ତୁତିରେ ବ୍ୟବହାର ହେଉଥିବା ୫/୭ଟି ପ୍ଲାଷ୍ଟିକ୍ ଡ୍ରମ୍, ଆଲୁମିନିୟମ ଡେକ୍ଚି, ବାଉଁଶ ପାଇପ୍, ଖାଲି ମଟର ଟ୍ୟୁବ, ପ୍ଲାଷ୍ଟିକ୍ ବ୍ୟାଗ୍ ସମେତ ଅନ୍ୟାନ୍ୟ ସରଞ୍ଜାମ ଜବତ କରାଯାଇଛି ।