ନୂଆଦିଲ୍ଲୀ : କେତେକ କ୍ଷେତ୍ରରେ ଦ୍ୱିପାକ୍ଷିକ ସମ୍ପର୍କ ମଜଭୁତ କରିବା ନିମନ୍ତେ ଶନିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିନ ଦୁଇ ଦିନିଆ ଭୁଟାନ ଗସ୍ତରେ ଯାଇଛନ୍ତି। ଏହା ହେଉଛି ମୋଦୀଙ୍କର ଦ୍ୱିତୀୟ ଭୁଟାନ ଗସ୍ତ। ପ୍ରଧାନମନ୍ତ୍ରୀ ଭାବେ ପୁନର୍ନିବାଚିତ ହେବା ପରେ ଏହା ହେଉଛି ତାଙ୍କର ପ୍ରଥମ ଗସ୍ତ।
ଗସ୍ତ ପୂର୍ବ ବିବୃତିରେ ଶୁକ୍ରବାର ଦିନ ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ ଭାରତ-ଭୁଟାନ ଭାଗିଦାରି ନୂଆଦିଲ୍ଲୀର ‘ପଡ଼ୋଶୀପଣିଆ ଆଗ’ ନୀତିର ଗୁରୁତ୍ୱପୂର୍ଣ୍ଣ ସ୍ତମ୍ଭ ଗଠନ କରେ ଏବଂ ବିଶ୍ୱାସ ଜଗାଏ ଯେ ତାଙ୍କର ଦୁଇ ଦିନିଆ ଗସ୍ତ ଦୁଇ ଦେଶ ମଧ୍ୟରେ ଥିବା ସୁଖଦୁଃଖର ବନ୍ଧନକୁ ଦୃଢ଼ କରିବ।
ମୋଦୀ ପାରୋ ଆନ୍ତର୍ଜାତିକ ବିମାନ ବନ୍ଦରରେ ପହଞ୍ଚିବା ପରେ ଭୁଟାନକୁ ଏକତ୍ର କରିଥିବା ଗାଓ୍ଵାଙ୍ଗ୍ ନାମଗ୍ୟାଲ୍ ନିର୍ମାଣ କରିଥିବା ଆଶ୍ରମ ସିମ୍ଟୋଖା ଜୋଙ୍ଗ୍ ପରିଦର୍ଶନପୂର୍ବକ ତାଙ୍କର ଆନୁଷ୍ଠାନିକ କାର୍ଯ୍ୟକ୍ରମ ଆରମ୍ଭ କରିବେ।
ଗସ୍ତ କାଳରେ ପ୍ରଧାନମନ୍ତ୍ରୀ ଭୁଟାନର ରାଜା ଖେସାର ନାମଗ୍ୟେଲ୍ ଓ୍ଵାଙ୍ଗ୍ଚୁକ୍ ଏବଂ ଭୁଟାନର ଚତୁର୍ଥ ରାଜା ଜିଗ୍ମେ ସିଙ୍ଗ୍ୟେ ଓ୍ଵାଙ୍ଗ୍ଚୁକ୍ଙ୍କ ସହ ସେ ଶ୍ରୋତାମାନଙ୍କୁ ପାଛୋଟିବେ ଏବଂ ଭୁଟାନୀୟ ପ୍ରତିପକ୍ଷ ଡକ୍ଟର୍ ଲୋଟେ ସେରିଙ୍ଗ୍ଙ୍କ ସହ ଆଲୋଚନା କରିବେ। ଦ୍ୱିତୀୟ ଦିନ ପ୍ରଧାନମନ୍ତ୍ରୀ ମୋଦୀ ଜାତୀୟ ସ୍ମାରକୀ ଚୋର୍ଟେନ ପରିଦର୍ଶନ କରିବେ। ତାଙ୍କ ସମ୍ମାନାର୍ଥେ ସାସିଛୋଡ଼ଜୋଙ୍ଗ୍ ବୌଦ୍ଧପୀଠ ଠାରେ ଆୟୋଜନ ହେବାକୁ ଥିବା ସାଂସ୍କୃତିକ କାର୍ଯ୍ୟକ୍ରମରେ ଯୋଗ ଦେବେ। ରୟାଲ୍ ଭୁଟାନ ୟୁନିଭର୍ସିଟିର ଛାତ୍ରଛାତ୍ରୀମାନଙ୍କୁ ମଧ୍ୟ ପ୍ରଧାନମନ୍ତ୍ରୀ ଅଭିଭାଷଣ ଦେବେ। ଗସ୍ତ କାଳରେ ଦୁଇ ଦେଶ ମଧ୍ୟରେ ୧୦ଟି ଏମ୍ଓୟୁ ସ୍ୱାକ୍ଷର କରାଯିବ।
Prasanta Patnaik