ଦିଲ୍ଲୀ-ବାରଣାସୀ ମଧ୍ୟରେ ଗଡିପାରେ ବୁଲେଟ ଟ୍ରେନ !

ନୂଆଦିଲ୍ଲୀ : ଅହମ୍ମଦାବାଦ-ମୁମ୍ବାଇ ମଧ୍ୟରେ ବୁଲେଟ ଟ୍ରେନ ନେଇ ମଞ୍ଜୁରୀ ମିଳିସାରିଥିବାବେଳେ ଏବେ ଉତ୍ତରପ୍ରଦେଶରେ ମଧ୍ୟ ବୁଲେଟ ଟ୍ରେନ ଚାଲିବା ନେଇ ଆଶା ଦେଖାଦେଇଛି | ନୂଆଦିଲ୍ଲୀ-ବାରଣାସୀ ମଧ୍ୟରେ ବୁଲେଟ ଟ୍ରେନ ଚଳାଇବାକୁ ସ୍ଥିତି ବାବଦରେ ଆମେରିକା କମ୍ପାନୀ ମୋଟ ମେକନାଲଡ କେନ୍ଦ୍ର ସରକାରଙ୍କୁ ରିପୋର୍ଟ ପ୍ରଦାନ କରିଛି | ଆସନ୍ତା ମାସରେ ବଜେଟ ଉପସ୍ଥାପନବେଳେ ରେଳ ଲାଇନ ନିର୍ମାଣ ନେଇ ଏହି ପ୍ରସ୍ତାବକୁ ବଜେଟରେ ସାମିଲ କରାଯାଇପାରେ |

ନଭେମ୍ବରରୁ ଟ୍ରାକ ନିର୍ମାଣ ହେବାକୁଥିବା ବେଳେ ବର୍ଷେ ପୂର୍ବରୁ ନିର୍ମାଣ କାର୍ଯ୍ୟ ସାରିବାକୁ ଲକ୍ଷ୍ୟ ରଖାଯାଇଛି | ଏହି ରୁଟ ପାଇଁ ୧.୧ ଲକ୍ଷ କୋଟି ଟଙ୍କା ଅଟକଳ ରଖାଯାଇଛି | ଏଥିରୁ ୯୦ ହଜାର କୋଟି ଟଙ୍କା ଜାପାନ ଇନ୍ଟରନ୍ୟାଶନାଲ କର୍ପୋରେସନ ଏଜେନ୍ସି ଋଣ ଦେଇଛି |