ଦାୟିତ୍ୱ ଗ୍ରହଣ କଲେ ପାନପୋଷର ନୂତନ ଉପଜିଲାପାଳ

ରାଉରକେଲା, ୨୩/୬: ପାନପୋଷର ନୂତନ ଉପଜିଲାପାଳ ଭାବେ ବିଶ୍ୱଜିତ ମହାପାତ୍ର ଦାୟିତ୍ୱ ଗ୍ରହଣ କରିଛନ୍ତି । ତାଙ୍କୁ ବିଦାୟୀ ଉପଜିଲାପାଳ ହିମାଂଶୁ ଶେଖର ବେହେରା ଦାୟିତ୍ୱ ହସ୍ତାନ୍ତର କରିଥିଲେ ।

ରାଉରକେଲା ଶିଳ୍ପାଞ୍ଚଳସ୍ଥିତ ଆଞ୍ଚଳିକ ଶିଳ୍ପକେନ୍ଦ୍ରର ମହାପ୍ରବନ୍ଧକ ଭାବେ ଶ୍ରୀ ବେହେରା ଯୋଗ ଦେଇଛନ୍ତି । ଶ୍ରୀ ମହାପାତ୍ର ଏହା ପୂର୍ବରୁ ବରଗଡ଼ର ଉପଜିଲାପାଳ ଦାୟିତ୍ୱରେ ଥିଲେ । ସେ ରାଉରକେଲା ପାଇଁ ନୂଆ ନୁହଁନ୍ତି । ଅତୀତରେ ଲାଠିକଟା ବିଡିଓ ଭାବେ ଦାୟିତ୍ୱ ସମ୍ପାଦନ କରିଥିଲେ । ପାନପୋଷ ଉପଖଣ୍ଡର ବିକାଶ ମୂଳକ କାର୍ଯ୍ୟକ୍ରମକୁ ଜନସାଧାରଣଙ୍କ ସହଯୋଗରେ ତ୍ୱରାନ୍ୱିତ କରାଯିବ ବୋଲି ଶ୍ରୀ ମହାପାତ୍ର କହିଛନ୍ତି ।