ରାଉରକେଲା, ୨୭ା୮ : ପୁରୁଣା ଛେଣ୍ଡ ସ୍ଥିତ ରୁଗୁଡିଟୋଲା ପଡିଆରେ ଆୟୋଜିତ ତୁଳସୀଟୋଲା-ରୁଗୁଡିଟୋଲା ନକ୍ଆଉଟ୍ ଫୁଟ୍ବଲ ଟୁର୍ଣ୍ଣାମେଣ୍ଟ ଚଳିତ ମାସ ୨୨ରୁ ୨୫ ତାରିଖରେ ଉଦ୍ୟାପିତ ହୋଇଯାଇଛି । ଏଥିରେ ମୋଟ ୩୪ଟି ଫୁଟ୍ବଲ୍ ଦଳ ଅଂଶଗ୍ରହଣ କରିଥିଲେ । ଫାଇନାଲ ମ୍ୟାଚରେ ବଡେମିଆଁ ଛୋଟେ ମିଆଁ ଫୁଟ୍ବଲ୍ ଦଳ ଏବଂ ପ୍ରଧାନପାଲ୍ଲୀ ଫୁଟ୍ବଲ୍ ଦଳ ମଧ୍ୟରେ ଖେଳା ଯାଇଥିଲା । ଫାଇନାଲ ମ୍ୟାଚ୍ରେ ବଡେମିଆଁ ଛୋଟେ ମିଆଁ ଦଳ ବିଜୟୀ ହେବା ସହ ଚମ୍ପିୟନ ହୋଇଥିଲା ।
ପ୍ରଧାନପାଲ୍ଲୀ ଦ୍ୱିତୀୟ, ତୁମକେଲାର ଟିଏଫ୍ସି ଦଳ ତୃତୀୟ ଏବଂ ବାଗ୍ବୁଡିର ବିକାଶ କ୍ଲବ୍ ଚତୁର୍ଥ ସ୍ଥାନ ହାସଲ କରିଥିଲା । ଉଦ୍ୟାପନୀ ମ୍ୟାଚ୍ରେ ଭାଜପା ରାଜ୍ୟ ସମ୍ପାଦକ ଧିରେନ ସେନାପତି ମୁଖ୍ୟ ଅତିଥି ଭାବେ ଯୋଗ ଦେଇ ବିଜୟୀ ଦଳକୁ ଟ୍ରଫି ପ୍ରଦାନ କରିଥିଲେ । ସ୍ଥାନୀୟ ଖେଳାଳୀମାନେ ଉଚ୍ଚକୋଟୀର ଫୁଟ୍ବଲ ଖେଳ ପ୍ରଦର୍ଶନ କରିଛନ୍ତି । ସେମାନଙ୍କୁ ପ୍ରୋତ୍ସାହନ ମିଳିଲେ ସେମାନେ ରାଜ୍ୟ ଏବଂ ଦେଶର ଜଣେ ଜଣେ ସୁନାମଧନ୍ୟ ଖେଳାଳୀ ହୋଇପାରିବେ ବୋଲି ଶ୍ରୀ ସେନାପତି ତାଙ୍କ ବକ୍ତବ୍ୟରେ ପ୍ରକାଶ କରିଥିଲେ । ସମ୍ମାନିତ ଅତିଥି ଭାବେ ପୂର୍ବତନ କାଉନସିଲର ରମେଶ ମୁଣ୍ଡାରୀ, ଅଜୟ କଂସାରୀ, ଉମା ଭୂୟାଁ, ଦିବାକର ଦାସ, ରାଜକିଶୋର କାଶୀ, ରାଜେନ୍ଦ୍ର ଖଣ୍ଡାୟତ, ଗୁରୁଚରଣ ଭୂମିଜ, ମହାଦେବ ଭୂମିଜ ଓ ଫକୀର ଟପ୍ପୋ ଯୋଗ ଦେଇ ବିଭିନ୍ନ ଖେଳାଳୀ ଓ ଦଳକୁ ଟ୍ରଫି ପ୍ରଦାନ କରିଥିଲେ ।
ମ୍ୟାଚ୍ରେ ରେଫରୀ ଭାବେ ପ୍ରକାଶ ସୁନା, ଲାଇନ୍ସ ମ୍ୟାନ୍ ଭାବେ ଗୌତମ ମୁଣ୍ଡାରୀ, ଜନାରୁସ୍ ଏକ୍କା, ରୋନାଲ୍ଡ ଡୁଙ୍ଗଡୁଙ୍ଗ ଓ ବିଜୟ ଯୋଯୋ ଯୋଗ ଦେଇଥିଲେ । ହଜାର ହଜାର ସଂଖ୍ୟାରେ ଜନସାଧାରଣ ଏହି ଫୁଟ୍ବଲ୍ ମ୍ୟାଚ୍ ଉପଭୋଗ କରିବା ସହ ଖେଳାଳୀମାନଙ୍କୁ ଉତ୍ସାହିତ କରିଥିଲେ । କମିଟି ସଭାପତି ଦିବାକର ଦାସ, ସମ୍ପାଦକ ଉମା ଭୂୟାଁ, ଗୁରୁଚରଣ ଭୂମିଜ, ସଦସ୍ୟ ଅନୁପ କୁମାର ଖାଲକୋ, ବିକାଶ ଭୂମିଜ, ସୂର୍ଯ୍ୟ କୁସୁମ, ଜନାରୁସ ଏକ୍କା, ଜ୍ୟୋତି ଖାଲ୍କୋ, ରାଜେଶ ଖାଲ୍କୋ, ସଞ୍ଜୟ କୁମାର ମୁଣ୍ଡାରୀ, କ୍ରିଷ୍ଣା ଓରାମ, ଗୋପୀ ମୁଣ୍ଡାରୀ, ଆକାଶ ଭୂମିଜ, ଫିରୋଜ ଭୂମିଜ, ଗୌତମ ମୁଣ୍ଡାରୀ, ପ୍ରେମ ଭୂମିଜ, ସୁନୀଲ କାଣ୍ଡୁଲନା ଓ ଅରୁଣ ଟପ୍ପୋ ଟୁର୍ଣ୍ଣାମେଣ୍ଟ ପରିଚାଳନା କରିଥିଲେ ।
Prasanta Patnaik